شقيقة «آية» ضحية لقمة العيش: «اتوجعنا من الفيديو وكانت بتوفر مصاريف فرحها»

10:04 م | الجمعة 11 يونيو 2021

أول فيديو لـ انهيار شقيقة سمير غانم أمام المستشفى

من هي حنان فريد الديب شقيقة الراحلة إيمان؟

شقيقة ديانا كرزون تبكي بسبب الهجوم عليها بعد اتهامها بالإساءة لفلسطين: «ليش الشوشرة» (فيديو)

«أنا جاية أعيش معاك».. حكم الدين في تواجد شقيقة هنا بمنزل رفيقها ضمن «لعبة نيوتن»

حالة من الحزن سيطرت على أسرة الشابة «آية ياسر»، عقب وفاتها متأثرة بإصابتها بحروق بسبب انفجار في «مطبخ» أحد العيادات الطبية بمركز أبو كبير بمحافظة الشرقية «مكان عملها»، إذ تم تحويلها إلى المستشفى وتوفيت بعد أيام قليلة من دخولها. 

مشاهد مؤلمة عاشتها آلاء شقيقة آية، بدأت يوم الأحد الماضي فور علمها بإصابة شقيقتها بحروق، حتى وافتها المنية أمس: «أختي آية حبيبتي هي الكبيرة عندها 22 وأنا 20 سنة، واتبلغنا بالحادثة واتفجعنا من المنظر لأننا اتفاجئنا بالفيديو المنتشر على السوشيال ميديا، شوفتها بعيني والنار ماسكة فيها وهي طالعة من المطبخ، والمنظر كان صعب عليا أنا ووالدتي وأهلي، محدش كان قادر ينقذها، ولحد دلوقتي مش عارفين مصدر الانفجار اللي حصل وهي في شغلها».

آية كانت تساعد نفسها وتعمل بكل طاقتها لتوفر جهاز زواجها، وهي خريجة كلية التمريض وتبلغ من العمر 22 عامًا، تقول آلاء لـ«هُن» وهي تنهمر في البكاء: «بتشتغل سكرتارية في عيادة طبيب وخطيبها من المنصورة، وكانوا محددين ميعاد فرحهم آخر السنة في شهر 12، وكانت مبسوطة وهي بتتكلم عن فرحها، وآخر حاجة كلمتني عنها انا ووالدتها عن تفاصيل اليوم هيبقى إزاي، وعن الحاجات اللي نفسها تشتريها، وأنها كانت عايزة تعمل الحنة في الشرقية وعريسها هينزلها من المنصورة يحضر قبل الفرح اللي كان هيبقى في قاعة بالمنصورة».

وتضيف: «لحد دلوقتي مش فاهمين موضوع الانفجار حصل إزاي، الفيديو مش مبين غير النار وهي ماسكة فيها، وكان صعب عليا أنا ووالدتي، وكنا منهارين إننا نشوفها كدا، بعدها روحنا لمستشفى في أبو كبير متخصصة في الحروق، تم تحوليها فيها من يوم الأحد والوفاة حصلت يوم الخميس بالليل، وكل الفترة دي كانوا مانعين عني زيارتها».