اتقوا الله في بعض.. مصطفى درويش يدعو للصلح بين مها أحمد والسقا وكرارة | خبر

دعا الفنان مصطفى درويش للصلح بين كل من مها أحمد وأمير كرارة وأحمد السقا بعد الأزمة الأخيرة التي أشعلت مواقع التواصل الاجتماعي في الساعات الماضية.

نرشح لك: أحمد التهامي ينهي الأزمة بين مها أحمد وأمير كرارة

كتب درويش على صفحته الرسمية بموقع التواصل الاجتماعي Facebook وقال "طبعا ضد كلام مها احمد جمله وتفصيلا بس ملاحظ ان كله بقي بينزل صور للسقا وكراره ودعم وكده طبعا السقا وكراره دول ارجل خلق الله ومحدش في الوسط يختلف عليهم اللي يعرفهم واللي ما يعرفهمش، بس التمسو العزر لواحده قاعده في البيت مش بتشتغل وسيبك من ماديات وحال واقف ومصاريف وكده لا الشغل نفسه للممثل زي السمكه في المايه لما بيبعد عن الكاميرا التنفس بيروح ممكن يموت"

وأضاف قائلًا "فا بلاش نخلص علي بعض علشان كلمه او بوست اتقال اه غلط ومش حلو وكل حاجه بس اختنا وفضفضت الدنيا متقومش وكله ياخد صف السقا وكراره ويدوس عليه، نتقي الله في بعض علشان في يوم ممكن اي حد يكون مكانها ومش عارف يشتغل والدنيا تضيق بيه حتي من اقرب الناس ليه."

وتابع قائلًا "وانا والله ما ليا علاقه لا باحمد ولا كراره ولا اعرف مها بس انا من جمهورهم، وانا متاكد ان السقا وكراره نفسهم ملتمسينلها العزر علشان هما رجاله واخلاق وبيفهموا اعملو حساب الزمن يا جماعه"

واختتم كلامه قائلًا "كفايه سلخ في مها احمد قدرو الظروف شويه والنبي مش عايز خناق في البوست. ده مع حد في كومنتات والنبي ما تتعبوني دي وجهه نظري مش اكتر"

الجدير بالذكر أن مصطفى درويش شارك في السباق الرمضاني الماضي بمسلسل "ضد الكسر" مع نيللي كريم ومحمد فراج.

باهر دويدار يكشف المدة التي استغرقها لجمع معلومات "هجمة مرتدة" (فيديو)

مصطفى خاطر: هيفاء وهبي اعتذرت عن فيلم "ثانية واحدة"... ودينا الشربيني مكسب للكوميديا