نيللي كريم عن التحرش: "مبحبش الصعبانيات" - E3lam.Com

قالت الفنانة نيللي كريم، إنها لا تحب الشعور بالخوف وتحاول طرده إذا تملك منها. مضيفة: “البني آدم الخايف دا ضعيف، ومبحبش أكون ضعيفة وخايفة”.

تابعت خلال حلولها ضيفة على برنامج “نقطتين وخط”، أنها قلقة في عملها لكنها لا تخاف. وعن التحرش قالت: “أنا مبحبش الصعبانيات، ومبحبش أبقى ضعيفة أبقى ضعيفة في أوضتي ماشي، لكن لو حصلي موقف زي دا هواجهه”.

تابعت: “ما أبقاش مكسوفة بحاجة مش بإيدي، أنا أواجه على طول، ومبقاش مكسوفة من حاجة حد عملها فيا. محدش بيعمل حاجة في حد لو أنا مش عايزة أسمح لحد بحاجة مش هسمح بدا، ولو حصل هاخد رد فعل بس عمري ما هتكسف من دا”.

أردفت: “ليه ألوم على البنت عشان لبسها، مش من حق أي حد يلوم عليا ولا يجرحني نفسيا لا بكلمة ولا بلفظ ولا بإيد ولا أي حاجة”.

يذكر أن آخر أعمال نيللي كريم، كان مسلسل “ضد الكسر” في رمضان 2021، تأليف عمرو الدالي وإخراج أحمد خالد، وشاركها البطولة محمد فراج، لقاء الخميسي، هشام إسماعيل، و مصطفى درويش، تارا عماد، سينتيا خليفة، حمزة العيلي، نهير أمين وعدد آخر من الفنانين، والعمل إنتاج المتحدة للخدمات الإعلامية والعدل جروب.