عاجل | القصة الكاملة لـ أزمة مها أحمد وأبطال نسل الأغراب - E3lam.Com

جدل كبير أثير في الساعات الماضية على صفحات مواقع التواصل الاجتماعي، بعد إعلان الشركة المتحدة للخدمات الإعلانية عن وقف تعاملها مع المخرج وكاتب السيناريو محمد سامي.

قرار الوقف فجر أزمة كبيرة طالت ثلاثة فنانين آخرين، هم مها أحمد وأحمد السقا وأمير كرارة.

فوجئ الجميع بأن مها أحمد، سرعان ما طرحت عبر حسابها الشخصي على موقع “فيس بوك” منشورًا انتقاميًا إن جاز التعبير، هاجمت من خلاله كلا من أحمد السقا وأمير كرارة، بطلي مسلسل “نسل الأغراب” الذي عرض في الموسم الرمضاني 2021، والذي صنعه المخرج محمد سامي، وذلك دون الإشارة إليهما بشكل صريح.

وكتبت الآتي: “عوضي على الله دي الجملة اللي دايما بقولها لما اتصدم في أشخاص، الحكاية يا سادة نجمين عملوا مسلسل واتنجمت عليهم بنوته لسة ألف باء تمثيل واديتهم على قفاهم وركبت عليهم إلى أن أصبحت بطلة المسلسل وبطلة الدعاية للمسلسل وهما راضيين رغم إن طول عمرهم مبيعملوش كده مع أي زميلة لهم أقربها أنا”.

تابعت: “النجم الأولاني بيني وبينه عيش وملح وزماله رشحت فمسلسل بطولته وكان بيقنعني بدور ولما وافقت بعتولى دور تاني معرفوش دور متعملوش واحده مبتدئه المفروض انه عارف قيمته الفنية وعارف إني إضافة له اتهرب مني وموقفش جنبي وباعني رغم إن الكل عارف إني زي اخته (ندل)”.

أضافت: “اما التاني كان فبداياته يتمنى يسلم عليا ويقولي يا أستاذة نزلت من نفسي وقلتله مش هنشتغل مع بعض ما هى الحوجة مرة رد وقالي الدور بينادي صاحبه، طبعا محكلكوش قد ايه ندمت نفسي وعشت أسود أيام حياتي عياط واكتئاب، وقلت (عوضى عليك يارب)”.

استكملت: “تمر الأيام والاتنين يعلو ويتجمعوا مع بعض فمسلسل واحد (على عينهم طبعا) ويمثلوا وحش قوي تمثيل الكفار وطلعوا كمان مبيقروش اللي بيمثلوه وربنا يركب عليهم بنوته سنة أولى تمثيل وخبره ويتحول المسلسل والدعاية الدراما كامله لصالحها وهما (مخدماتية للأستاذة)”.

اختتمت: “يمهل ولا يهمل ابدؤا من جديد يا أوفر تمثيل ياللي مبتقروش يا كومبارس جنب النجمة، نصيحة بلاش تتشطروا على اللي كان بينكم وبينهم عيش وملح بلاش تتشطروا على أساتذتكوا، (عوضنا على الله) يارب متحوجنا لحد حتى ولو كان أقرب الناس لينا”.

تلك الكلمات الهجومية لم تلق مها أحمد مقابلها سوى انتقادات لاذعة سواء من الجمهور أو الصحفيين الذي كانوا على صلة بالسقا وكرارة أو حتى من زملائها وأقاربهم في الوسط الفني.

فيما علق “كرارة” على أحد المنشورات كاتبًا: “أنا عمري ما شوفتها أصلا والله أنا مجدي وخالد وصلاح كامل ناس محترمة دخلت بيتهم، وجملة الدور بينادي صاحبه دي أكيد معرفش بتتقال إزاي والله.. سبحان الله مع إنها كانت مبسوطة من له كتع كسح كسل، ومتكلمتش غير بعد قرار محمد سامي لما نزل”.

أما أحمد السقا، لم يعلق على الأمر إلا أن شقيقته فاطمة السقا لم تستطع، وثارت من أجل الدفاع عن شقيقها، فطرحت منشور عبر حسابها الشخصي على موقع “فيس بوك” كتبت فيه الآتي: “الكلام ده موجه ليكي يا أستاذة بدل ما تفضلي تمسحي رد كل شوية”.

تابعت: “أبهرتيني يا مها بأخلاقك العالية، وبإنك افتكرتي العيش والملح اللي كلتيه في البيت بتاع الفنان اللي مش عارفة تقولي اسمه بس عرفتي تقولي عليه (ندل) اللي هو أحمد السقا، بس أنا بقولك قدام الناس قطع لسان أي حد يقول عليه كده لأنه راجل أكرمك ووقف جنبك انتي ومجدى بدل المرة ألف، وأمير كرارة بردو راجل جدع ومحترم للي ما يعرفهوش في البوست بتاعك ده، معرفش ايه الفرص اللي كانت عندك اللي كان يتمنى يشتغل معاكي فيها زمان بس هو أي حد يتمنى يشتغل معاه دلوقتي أكيد”.