"مزة بلونداية" تجبر لقاء الخميسى على إلقاء هاتف زوجها "أوسة" من الشباك - اليوم السابع

حلت النجمة لقاء الخميسى في حلقة خاصة على "تليفزيون اليوم السابع"، وكشفت خلاله عن موقف انفعلت فيه بسبب غيرتها على زوجها محمد عبد المنصف "أوسة" حارس مرمى وادى دجلة، وقالت: "لا لم يحدث لى بأن صديقة تخطف منى زوجى، وبعدين هو "أوسة" مش فاضيلى أنا عشان يشوف غيرى، أما بالنسبة للموقف ففعلا في مرة راح نادى "لاتسيو" الإيطالى وسافر لهم وجلس عندهم 15 يوما كتمرين ولكى يمضى معهم.

وتابعت: "أنا شفت في الصور عند استقباله واحدة "مزة بلونداية" فسألته مين دى فقالى دى اللى بتعرفنا كل حاجة في المكان والنادى وكده، المهم لما رجع لقيته جاله رسالة على الايميل بفتحها لقيتها بتقوله بحبك وواحشنى، روحت واخدة الموبايل وحدفته من الشباك، وأقنعنى بأن هي اللى بتقول وأنه لا ذنب له، وقلت صح برده الراجل نجم وأكيد له معجبات".

وعن تدخل "اوسة" في اختيار أدوارها قالت لقاء الخميسى: "أحيانا يتدخل وفى أوقات كثيرة بسأله لأن بيكون في حاجات مش عاوزة أعملها ولكن هو يقولى أعمليها دى حلوة، و"أوسة" دايما بيشجعنى وبيكون مبسوط انى ناجحة، وهو خدنى وحبنى وانا بشتغل، ولما الست بتكون بتشتغل وليها مكانة الراجل بيعطى لها احترام من نوع خاص".

وعن رد فعل "أوسة" على شخصية "نادين" في مسلسل "ضد الكسر" قالت لقاء الخميسى: "فرح جدا بدورى وشايف انى كنت كويسة جدا وكان دايما بيقولى انا مش مصدق أن اللى قاعدة جنبى دى نادين، والحاجات اللى بيشوفها لا تصلح انا كمان بكون شايفة انها لا تصلح، لان هو عارف حدودى ايه يعنى تقدر تقول اننا متفاهمين جدا".