سمية الخشاب: أقرب أدوارى لقلبى نبيلة فى الحقيقة والسراب وحلاوتهم فيها منى - اليوم السابع

تحدثت الفنانة سمية الخشاب، عن تعرضها لأعمال السحر لوقف حالها فى حياتها العملية، كما كشفت عن أقرب الأدوار لقلبها وهل خضعت لعملية تجميل من قبل.

وقالت سمية الخشاب، خلال ندوتها في " اليوم السابع"، السحر والحسد مذكورين فى القرآن والشر والخير موجودين، والحصن بتاعى إنى دائما أكون قريبة من ربنا وأعمل خير كتير وأحسن الظن بالله وكل ده بيحمى من السحر وعندى ثقة بالله إنه هيحمينى.

وعن خضوعها لعملية تجميل ردت قائلة:"فى تصوير مسلسل كيد النسا الجزء الأول كنت بأخذ كورتيزون ومعملتش عمليات تجميل، أنا ربنا خلقنى حلوة وشوفوا الصور كلها لو احتاجت عملية تجميل هعمل بس عند دكتور شاطر مرحوش ارمى نفسى فى الهلاك".

وعن أقرب الأدوار لقلبها من أعمالها، قائلة:"بحب دور نبيلة فى مسلسل "الحقيقة والسراب" وبعشقها لأن فيها منى كتير، و"حلاوتهم" فى مسلسل موسى فيها منى كتير ورومانسية أوى وجدعة جدا وبنت بلد" .