المحتوى الرئيسى

عمر كمال: كل نجوم مصر غنوا وراء راقصات.. وبيكا: أنا شبعت من التريند

05/12 01:42

رد مغني المهرجانات عمر كمال، على تساؤل حول قيامه بالغناء وراء الراقصات من أجل أن يُصبح «تريند»، فقال «كل نجوم مصر غنوا وراء رقاصات اشمعنى أنا يعني، وبعدين الراقصة اللي غنيت وراها كانت لابسة فستان عادي جدًا، وبعدين الشعب هو اللي منجحها».

وأضاف «كمال»، خلال حواره في برنامج «لحظات جريئة»، مع الإعلامي أحمد سالم، على شاشة «القاهرة والناس»، أنه لا يسير وراء التريند، «أنا عندي صفحة فيس بوك عليها 7 ملايين شخص، وصفحة على انستجرام عليها 2 مليون شخص، وعندي صفحة على التيك توك، يعني اللي عاوز أقوله هيوصل كده كده».

فيما رد مؤدي المهرجانات حمو بيكا، بأنه لا يسعى للتريند، «التريند ده أنا شبعت منه حضرتك، أول واحد أخذ التريند في مصر كنت أنا، فبالنسبة لي حاجة سهلة يعني، لما اتخانقت مع عمر كمال كنت بتخانق بجد، هو أنا هتعارك مع صحابي عشان اركب التريند».

فيما قال شادي محمد، لاعب نادي الأهلي ومنتخب مصر سابقًا، إنه يسعد عندما يحصل هو أو أحبائه على التريند، لكن يكون قد حصل عليه بحق وعلى شئ إيجابي، «مش أطلع تريند عشان الناس تهاجمني وتقلل مني، ده إيه الهبل ده، فيه واحد في مجالنا الرياضي بدون ذكر أسماء، بقى يخرف عشان الناس تتريق عليه ويطلع تريند، وهو عارف الموضوع ده وفرحان بيه جدا».

فيما يرى الفنان صلاح عبدالله، أن ركوب التريند خطر جدا، «عارف اللي بينتحر عشان يتعرف، دي ناس بتنتحر عشان تتشهر، من أخطر الرغبات الرغبة في أن تكون شيئا مذكورا، يعني مذكور ومشهور».

أما الإذاعي مفيد فوزي، فأكد أنه تفاجأ بأن الكثير من الحلقات التي أجراها في برنامجه «حديث المدينة» أصبحت تريند «زي بنت صغيرة أجريت معاها حوارا في حديث المدينة وفي الفترة الأخيرة طلبوا مني على الهواء أني اكلمها بعدما كبرت، حنان بنتي قالتلي بابا ده تريند».

أهم أخبار فن وثقافة

Comments

عاجل