خالد عيد:محمد هانى يستحق ركلة جزاء.. وأحمد الشناوى "عايز يطلع الأهلى مظلوم" - اليوم السابع

شن خالد عيد المدير الفنى لغزل المحلة هجوماً نارياً على الخبير التحكيمى أحمد الشناوى بسبب رؤيته التحكيمية لمباراة الاهلى والفلاحين التى خسرها المارد الاحمر بهدف دون رد .

وقال خالد عيد فى مداخلة هاتفية لبرنامج اللعبة الحلوة عبر إذاعة أون سبورت إف إم:"لم أتوقع فوز المحلة على الاهلى والزمالك ولكنى تعاقدت مع لاعبين  "جعانة كورة" ودايما بشوف لاعبى الدرجة الثانية مواهب كبيرة تستحق نظرة".

وتابع المدير الفنى لغزل المحلة :" بعض الناس بتقول هدف فوز المحلة على الاهلى مش فاول طب ازاى ياجماعة ، اى حكم بيحكم مباراة للأهلى أو الزمالك بيكون عليه ضغوط كبيرة خايف يغلط ويتخذ قرار بعدم تحكيمه للقطبين مجدداً".

وأكمل خالد عيد:"لما شوفت الاستوديو التحكيمى لما روحت فوجئت بكلام أحمد الشناوى ، عايز بس يطلع الاهلى مظلوم أمام جماهيره ، محاولش حتى يستعرض حالات المحلة وأن لينا مثلا ركلة جزاء مليون فى المائة  ضد محمد الشناوى والولد قالى بعد الماتش "أقسم بالله خبط رجلى فيها".

وأردف المدير الفنى للفلاحين " لعبة محمد هانى تستحق ركلة جزاء بالامانة تحتسب وقولت للاعب بعد الماتش اوعى تعملها تانى فيها تهور ولازم تكون هادى فى الحتة دى من الملعب ، وللامانة محمد فتح الله لايستحق الطرد ده كان ممكن يلحق الكرة ويخرجها".