ريهام سعيد: ”شيلت مناخيري وحطيت مكنها وداني” (فيديو) | الفن | جريدة الطريق

05/05 11:47

تصدر اسم الإعلامية ريهام سعيد تريند قائمة منصة جوجل، بعد استضافتها في برنامج "شيخ الحارة والجريئة" تقديم الإعلامية والمخرجة إيناس الدغيدي، حيث كشفت العديد من الأسرار حول حياتها الشخصية والمهنية.

وحول سؤال إيناس الدغيدي لها: "ريهام سعيد بتعمل الخير قدام الكاميرا علشان تاخد اللقطة"، قالت:"بقالي عشرين سنة مافيش حد بيعمل اللقطة في عشرين سنة أكيد هزهق، وهعمل اللقطة لإرضاء مين إذا كان مفيش حد بيقف جمبي في أزماتي بما فيهم الجمهور".

وعن تعرضها للهجوم من قبل رواد السوشيال ميديا قالت: "جمهور السوشيال ميديا قليلين واللي بيهاجموني بيتابعوني، وفي النهاية مفيش حد بيتفق على شخص معين، زمان وأنا صغيرة كنت بضايق من بعض التعليقات لكن دلوقتي مش بيفرق معايا".

وتطرقت ريهام سعيد بالحديث عن مرضها، مؤكدة أن الإعلان عن مرضها كان ليس استعطافًا للجمهور، كما أنها توقفت بعد مرضها بـ6 أشهر، ولتبشر بالمرض على نفسها، مضيفة: "ده مكانش مرض مميت.. وقلت ممكن مرجعش.. شيلت مناخيري 3 مرات في شهر".

وأكد مذيعة برنامج "صبايا الخير": أنا كنت في حالة موت، وشيلت مناخيري بالعظم والغضاريف، متابعة: "أنا أخدت ودني وحطتها في مناخيري.. معنديش ودن"، مؤكدة أن من يكذب على الجمهور أو يعلن مرضه شخص ناقص.