تعرف على قصة نجاح اعتماد بنت كفر الشيخ من برنامج فرصة| فيديو‎

تكتب وزارة التضامن الاجتماعي، قصصًا لأبطالها على مدار أيام شهر رمضان، تلقي فيها الضوء على نماذج مشرفة من الشباب والفتيات تحت عنوان سفير التضامن.

اقرأ أيضاً|«حياة كريمة» تهدي محمد المصري «تروسيكل» لـ«كسب الرزق وتربية أولاده»| فيديو

بطلة حلقة اليوم من سفير التضامن "اعتماد" ابنة كفر الشيخ صاحبة أحد المشروعات في مبادرة فرصة.

"اسعى يا عبد وأنا أسعى معاك".. جملة بدأت بها اعتماد الحديث عن قرارها البدء في مشروع خاص بها هي وأسرتها بدلاً من العمل بـ"اليومية" عند الآخرين.

وقالت: وضعت هذه الجملة قدام عينيا وبقت مبدأ في حياتي.. وأضافت : أنا اعتماد من محافظة كفر الشيخ.. ربنا رزقني ببنتين وولد.. وأنا زي أي ست بحلم إن حياتي وحياة أولادي تبقى مستقرة.. علشان كدا بجري على لقمة عيشي.. كنت بشتغل في المصانع باليومية.. شغلي في المصانع كان يوم آه و10 أيام قاعدة في البيت.

وتابعت: في يوم.. جالي "فرصة".. وكانت فرصة مهمة بالنسبالي لما عرفت من مديرية التضامن الاجتماعي في كفر الشيخ عن مشروع سلاسل القيمة للإنتاج الحيواني.. والذي يقدمه برنامج فرصة بوزارة التضامن الاجتماعي.. برنامج “فرصة” وفرلي كل الإمدادات اللازمة في البداية وساعدني علشان أقدر أنجح.

ووصفت اعتماد حالتها قبل المشروع وبعده قائلة: حالتي المادية قبل المشروع ما كنتش مستقرة وكنت دايماً شايلة الهم.. لكن المشروع ده كان وش الخير عليا.. دلوقتي شغلي خلاني مستقرة وبكسب منه وكمان أهم حاجة إن مشروعي في البيت.

وعن آمالها وطوحاتها قالت: أنا نفسي مشروعي يكبر لأنه فرق في حياتي وحياة أولادي.. اللي أي حاجة بيطلبوها دلوقتي  بقدر أوفرها لهم.