أحمد عز: بشوف أحمد زكي وسيم جدا.. ويسرا صاحبة فضل عليا

كشف الفنان أحمد عز، عن بعض كواليس دوره في فيلمي «الممر» و«الخلية»، والتكوين الجسماني الذي ظهر عليه فيهما، قائلا: «احنا روحنا الصاعقة نتمرن هناك، وقعدت 6 شهور في العمليات عشان فيلم الخلية».

واسترجع «عز»، خلال لقاء ببرنامج «بيت للكل»، الذي يعرض على القناة الأولى، ذكرياته مع الفنان الراحل أحمد زكي ورحلة نضوجه الفني ، قائلا: «أنا قابلت الله يرحمه الأستاذ أحمد زكي والأستاذ يحيى والأستاذ عادل وشفتهم بيشتغلوا إزاي، وأسامي كتير، وهي حصالة بتحط فيها أعمال، الأعمال دي بعد عمر طويل الجمهور يرجع ويقول ياه ده الراجل ده عمل أفلام حلوة، بس مش دلوقتي هنقول كده، أنا عندي خزنة وحصالة كبيرة بحط فيها على أد ما أقدر أعمال كويسة وده تاريخي».

وتابع: «الناس بتحب الشخص مش بشكله ولكن بروحه، يعني أنا بشوف الراحل أحمد زكي وسيم جدا وشخصية جامدة، الروح أهم من الشكل، الشكل بيتغير، لكن روحك هي اللي بتوصل للناس، ويسرا صاحبة فضل عليا،  ومش بنسى لها الجميل ده».

ويشارك الفنان أحمد عز في موسم رمضان 2021، بمسلسل «هجمة مرتدة»، بجانب هند صبري، هشام سليم، والنجمة القديرة ماجدة زكي، مع نضال الشافعي، وعدد من النجوم الشباب، والمسلسل من تأليف باهر دويدار، إخراج أحمد علاء الديب.