«فيسبوك» يتحول لسرادق عزاء بعد وفاة معيدة شابة بجامعة الزقازيق

أثار خبر وفاة معيدة بجامعة الزقازيق حالة من الحزن على موقع التواصل الاجتماعي «فيسبوك» حيث انهالت التعليقات التي تضمنت عبارات الدعاء للفقيدة بالرحمة والمغفرة.

وأصدرت جامعة الزقازيق، بيانا نعت خلاله وفاة المعيدة، يقول: «بقلوب مؤمنة بقضاء الله وقدره.. تنعى جامعة الزقازيق برئاسة الدكتور عثمان شعلان، الأستاذة نهي ماهر محمد عبد المنعم الغندور، المعيدة بقسم إدارة الأعمال بكلية التجارة».

وأضاف البيان: «يتقدم رئيس الجامعة، والسادة النواب، وعمداء الكليات، وأعضاء هيئة التدريس، وجميع العاملين والطلاب بالجامعة، بخالص العزاء والمواساة لأسرة المغفور له ، داعين المولى عز وجل أن يتغمدها بواسع رحمته وأن يلهم ذويها الصبر والسلوان».

وأعربت إيمان عاطف، زميلتها، عن حزنها لوفاة الفقيدة وكتبت على صفحتها على «فيسبوك»: «لا حد يقولي كدب بالله عليكوا بالله ما مستوعبة حد يقولي كدب لا إله إلا الله.. لا حول ولا قوة إلا بالله العلي العظيم.. دكتور نهي إزاي لا إله إلا الله لا قلبي هيقف كانت لسه لايف ياجماعة كانت مكلماني لا إله إلا الله الواحد قلبه هيقف في إييييييييه.. يارب ارحمها واغفرلها وعوض شبابها في الجنة يارب ارحمها ياااارب ماتت بحزنها وتعبها كل شوية كانت تقول والله ياااارب ارحمها وعوضها واغفرلها بحق ما كانت بتساعد الكل وبتفرح الكل ربنا يرحمك يادكتور نهي بحق الشهر العظيم ياوجع قلبي وصدمتي وانتي بليل لايف ودلوقتي بيقولوا ماتت حاسه إني بحلم والله لا حول ولا قوة إلا بالله العلي العظيم».

وتابعت في بوست آخر «مش عايزة حد يكتبلها يقولها إرجعي يانهى ومش هنسيبك.. مش عايزة حد يقولها كلام كانت بتتمني تسمعه علشان هي ماتت خلاص.. أيوة ماتت وهي كانت كل يوم بتتمني الموت وتروح لمامتها كانت محتاجة للكل، كانت بتقعد تنزل بوستات علشان حد يخرج معاها ويقضوا وقت حلو الفترة الأخيرة كانت كل شوية تنزل بـ لايف وطريقتها تغيرت لأنها عايزة ناس جنبها لأنها حاسة بوحدة كنت بشوف بوستاتها أحس إنها عايزة تلفت اهتمام صحابها ليها.. استحملت كتير من تعب نفسي وجسدي وفراق والدها ومامتها وجدتها وخطيبها اللي سابها علشان تعبها وعلاجها النفسي والجسدي.. اللي وقفوا جنبها معروفين وكانت دايما بتنزل بوستات تشكرهم بس الحزن مسابهاش مهما كانت بتحاول تعمل كانت دايما نفسها تروح لمامتها واهي راحت كانت عايزة تساعد الكل أنا شخصياً كانت بتتفق معايا علشان هتعمل زي ورشة صغيرة للخروج من الحزن والاكتئاب آخر بوستات ليها أهي إتمنت الجنة ويارب يكتبهالها دكتور نهي ماتت وسابت وحدتها وحزنها وتعبها وكانت من كام ساعة بس لايف».

وتابعت: «هانفوق أمتي وهنفضل بعيد عن اللي بنحبهم وعايشين بس نتعب في قلوب بعض هنفوق لما كل واحد يفقد حد غالي عنده ويقوله ارجع وهكون جنبك صح». وأردفت: «وجعتي قلوبنا يا أم ضحكة حلوة وجعني قلوبنا برحيلك ربنا يرحمك ويغفرلك ياجميلة كنتي بتقوليلي ياجميلة انتي اللي جميلة والله ربنا يرحمك ارتحتي من الدنيا وتعبها والله .. الدنيا دي وحشه اوي والله يابختك انك سيبتيها .. في الجنة ونعيمها ربنا يغفرلك ويتجاوز عن سيئاتك ويغفرلك بصبرك ع فقدان اهلك وتعبك ووحدتك وحزنك يارب».

وعلق متابع آخر قائلا: «لا حول ولا قوة إلا بالله العلي العظيم ، ربنا يرحمها ويغفر لها ويسكنها فسيح جناته، ويدخلها الجنة بغير حساب ولا سابقة عذاب، وأن يجعل قبرها مد بصرها، وأن يجعل قبرها روضة من رياض الجنة، وأن يحاسبها بالفضل لا بالعدل».

وتابع آخر: «إنا لله وانا اليه لراجعون ربنا يرحمها ويغفرلها وينور قبرها ويثبها عند السؤال ويحمعها بحبايبها ف الجنه ويصبر اهلها وكل اللي بيحبوه».

وأضاف آخر: «إنا لله وإنا إليه راجعون.. اللهم ارحمها واعف عنها وأكرم نزلها ووسع مدخلها وغسلها بالماء والثلج والبرد ونقها من الخطايا كما ينقى الثوب الأبيض من الدنس وأجعل قبرها ضياء يفوه بعطر الجنه و اسكنها فردوسك الأعلى يا رب العالمين».