طقوس إلهام شاهين في رمضان وعلاقتها بشقيقها بعد زواجه: بنتمشى بالبيجامة

طقوس إلهام شاهين في رمضان

وحكت إلهام أن أمير شقيقها يسكن معها في نفس العقار: «وأكيد هيفطروا معايا كل يوم ونتسحر وهو دايما يا بييجي هو ومراته يا بنروح له وهو معانا دايما وبنتمشى حتى بالبيجامة».

وعن طقوسها في شهر رمضان، أوضحت الفنانة: «الفطار مش بحب أخرج فيه، بحب الفطار مع الأسرة في البيت، لينا حياتنا، وفي أمور كده ثوابت في حياتنا لما أحب أخرج مع أصحابي ممكن في السحور يعزموني أو أعزمهم لكن الفطار مش بحب الخروج فيه» .

ذكرت إلهام أنها ستتابع جميع المسلسلات في رمضان حيث إنها أشادت بالكثير من البرومهات: «شوفت برومهات حلوة أوي السنة دي، بحب اشوف كله سواء لأصدقائي الجيل الكبير أو الشباب الصغير بحب اشوف عاملين إيه» .

وردت على سؤال هل يمكن أن تعجب بعمل معين أو أداء تمثيلي معين من أحدهما وتتصل بصاحبه لدعمه؟، بأن بالطبع، يمكن فعل ذلك فأحيانا يمكن تقوم بهذا التصرف عندما يكون العمل أو الأداء التمثيلي ملفت بشكل كبير ومفاجئ.

وأشارت إلهام إلى أن على سبيل المثال العام الماضي تواصلت مع محمد سامي ليس لأنه مخرج، ولكن بسبب أنه كان مفاجأة بالنسبة لها في التأليف وكانت كتابته رائعة في مسلسل البرنس: «وقولت لي معقول انت عندك الموهبة دي في الكتابة وكانت الكتابة حلوة أوي بصراحة وعرف يجر ويشد المتفرج وقولتلوا انت حسستني أنك حسن الإمام في التليفزيون اللي بيعرف إيه الأشياء الجماهيرية اللي تشد المتفرج ويحطها زي البرنس» .