بعد غياب 19 عامًا.. شريهان تعود للشاشة بإعلان لإحدى شركات الاتصالات | المصري اليوم

احتفى رواد مواقع التواصل الاجتماعي بعودة الفنانة شيريهان إلى الظهور على الشاشة من جديد من خلال تقديمها لإحدى إعلانات شركات الاتصالات.

بكلمات مؤثرة.. شريهان تنعى الراحل عادل هاشم

بعد سنوات من تصويرها..شريهان تكشف خبرا سارا عن مسرحية «كوكو شانيل»

«نفذت منه أولى خطواتي» .. شريهان توجه رسالة للنساء بمناسبة اليوم العالمي للمرأة

وكتب أحد المتابعين على الفيسبوك: «اعلان شاريهان بتاع فودافون مبهج جدا وعبقري بغض النظر عن جمال شعرها وخفة حركاتها عجبنى في الاعلان إنه جسد الحادثة اللي حصلتلها ومع ذلك قدرت ترجع تاني وتقف على رجلها».

متابع أخر سعى لتفسير الإعلان وكتب: «الناس اللي مفهمتش اعلان شريهان.. شريهان الجميله المبهجه بتحكي قصة حياتها بمنتهي الذكاء ف الاعلان.. ازاي ابتدت زمان وازاي حلمت وازاي نجحت.. وازاي اتعرضت ل ازمات صحيه واهمها مشكله في ضهرها وتحديدآ في العمود الفقري». وأضاف أن ذلك «ظهر ف مشهد كامل ف الاعلان وهي راكبه عربيه وبتسوق شويه وبعدها بتطير لفوق «وده رمز ل قصة الحادثه اللي حصلتلها سنة ١٩٨٩» وكانت سبب ف اصابتها بكسر في العمود الفقري كان هيكون سبب ف اصابتها بشلل».

وتابع «لكنها عملت حوالي ٣٠ عمليه كلهم اصعب من بعض.. ومرت بفتره حرجه جدآ ف حياتها.. وده اللي ظهر برضه ف الاعلان وهي ف اوضة العمليات وحواليها دكاتره.. ومن بعدها قامت ورجعت تاني زي الاول واقوي واجمل».

وأختتم «اعلان شريهان رساله أمل لكل الناس المحبطين.. ودليل اننا ممكن بعد أي ازمه ومشكله نقوم تاني زي الأول واحسن».

فيما رأى عدد من المتابعين الأخرين أن الإعلان لم يأت بالمستوى المطلوب، وكتب أحد المتابعين: «جماعه الاعلان مش حلو شريهان اللي حلوه».

جماعه الاعلان مش حلو شريهان اللي حلوه

— شيكفوريا (@shekkkkkkoooooo) April 13، 2021