طرق مختلفة لعمل تتبيلة الفراخ - بنات حوا
في رمضان عادة بنحتاج نبقى محضرين اكلات في الفريزر عشان توفر علينا الوقت ، وطول السنة عموما توفيرا للوقت والمجهود الافضل تبقى في حاجات جاهزة دايما نطلعها ونطبخها على طول ، والنهاردة بنات حوا هتساعدك في المهمة دي وهنعرف مع بعض طرق لتتبيلة الفراخ ، تتبليها وتشيليها في الفريزر وتطلعيها على الطبخ على طول.
توابل: كمون, كزبرة, كركم, ملح, جرام ماسالا او توابل فراخ, فلفل احمر حار.
2 فص ثوم مفروم ناعم.
لون طعام احمر لزيادة اللون (اختياري).
في طبق كبير اخلطي المكونات كلها مع بعض كويس ، وتبلي بيها الفراخ ، ورصيها في طبق واحفظيها في الفريزر لوقت الطبخ.
اعشاب مجففة: زعتر, روزماري, ملح, فلفل اسود.
اخلطي كل المكونات مع بعض وتبلي بيها الفراخ ، واحفظيها في الفريزر.
في طبق اخلطي خليط التوابل مع عصير الليمون والملح والزبادي ، تبلي الفراخ بالخليط ، حطي قطع الفراخ في اسياخ خضب وبينهم قطع الفلفل الالوان والبصل ، ورصيها في طبق واحفظيها في الفريزر.
هاتي قطعة فراخ كبيرة دقيها شوية عشان تتفرد ، تبليها بالملح والفلفل وادهنيها بالمسطردة ، وبعدين هاتي كمية من الجبنة الموتزاريلا على حسب حجم قطعة الفراخ حطيها جواها ولفيها على شكل رول باستخدام كيس بلاستيك ، بعد ما تتلف كلها اقفلي الكيس من الناحيتين ، واضغطيها كويس ، اعملي كل قطع الفراخ اللي عندك بنفس الطريقة ، ورصيها في طبق واحفظيها في الفريزر ، وقت الطبخ ممكن تتحمر في زيت على طول ، او تتغطي بدقيق وبيض وبقسماط وبعدين تتحمر.
بصلة مفرومة متصفي منها المية.
2 فص ثوم مفروم ناعم.
في طبق كبير حطي الفراخ المفرومة وضيفي عليها كل المكونات وقلبيهم مع بعض كويس ، وشكلي الكفتة صوابع , رصيها على صينية ودخليها الفريزر تجمد وبعدين طلعيها وحطيها في كيس الحفظ واحفظيها في الفريزر لوقت الطبخ.
Comments