المحتوى الرئيسى

أحمد حلاوة يروي موقفًا مع عادل إمام في "عفاريت عدلي علام" - E3lam.Com

03/03 11:20

قال الفنان أحمد حلاوة إنه يلعب الدور من خلال الشخصية والموقف، مضيفا أن هناك فرق بين الخروج عن النص والارتجال.

أوضح “حلاوة” خلال لقائه مع برنامج “صاحبة السعادة” المذاع على شاشة dmc وتقدمه الفنانة إسعاد يونس، أن الخروج عن النص معناه أن الممثل يقول أي شيء خارج الشخصية وهذا علميا خطأ، مضيفا أنه لا بد أن يكون داخل الشخصية.

ذكر أنه لديه موقف مع الفنان عادل إمام، وقال: “وإحنا بنعمل مع بعض، لازم نقعد نقرأ الأول علشان نسمع بعض ونشوف الكلام، أنا من عادتي أحب ألعب زي العيال الصغيرة، أحب أعيش الدور، وأنا بقول بيطلع مني ارتجالات بس في الدور وفي الموقف، فيه زميل كان معانا لاقاني أنا بقول وأستاذ عادل بيقول معايا فقال طيب ما أنا أقول أنا كمان، فراح قايل، فقاله الكلام ده موجود في النص؟ قال له لا، قال له ماتقولوش، مع إني أنا سايبني أقول”.

تابع: “مرة في مسلسل عفاريت عدلي علام، دخلت عليا البطلة اللي عاملة الجنية وبتلغبطني في الكلام، فمكتوب في السيناريو إن أنا أغني أغنية لعمرو دياب، فقولت أنا أساسا الميوزيك بتاع عمرو دياب ده مش بتاعي، وأنا تخيلت الشخصية دي أساسا الراجل الآفاق بتاع الدين، تخيلت إنه كان في يوم من الأيام مونولوجيست، مش موجود في النص بس أنا تخيلته كده، خلاني بدل ما أقول عمرو دياب، قولتله “طول عمري أحب الجد وأما الهلس أنا معرفوش”.

استكمل: “طبعا كلهم والأستاذ عادل انبهر، خلصنا المشهد، قال اتفرج عليه، وروح البيت وقال هنعيد المشهد، قولت اه أنا باين عليا عكيت وزودت، تاني يوم قالنا عارفين أنا بعيد ليه؟ قالهم علشان المشهد ده بتاع أحمد حلاوة وأنتم لغوشتوا عليه”.

أهم أخبار فن وثقافة

Comments

عاجل