افضل 15 نوع زرع لكل مكان في البيت - بنات حوا

هل بتدوري على طريقة تضيفي بيها لمسة حلوة على البيت؟ هل عايزة توصلي لده من غير ميزانية كبيرة؟ مافيش حاجة هتحققلك لمسة انيقة وفي نفس الوقت هتديكي احساس بالراحة في البيت غير الزرع ، الزرع بيضيف لمسة جذابة للبيت ، والنهاردة هنساعدك في الاختيار وهنقولك افضل انواع الزرع لكل غرفة في البيت ، مش بس عشان تديكي لمسة جمالية ولكن كمان هتديكي فوايد حسب احتياجات كل غرفة.\nافضل انواع الزرع لكل غرفة:\nهنقولك 3 انواع من الزرع لكل غرفة ، تقدري تختاري اي واحد منهم.\nافضل انواع الزرع لكل غرفة\n– نبتة Chinese evergreens: النبتة دي مناسبة جدا للحمام وخصوصا للخلفية البيضا او الزرقا ، النبتة دي عندها قدرة على امتصاص الفورمالديهايد من الهوا (المادة دي عبارة عن غاز عديم الرائحة بيستخدم في صناعة مواد البناء وكتير من المنتجات المنزلية والمادة دي الدراسات كشفت انها ممكن تسبب السرطان وكتير من المشاكل الصحية) والنبتة دي لو حطتيها في الحمام هتنقي الهوا حواليكي ، والمكان المثالي ليها هو جنب الشاور.\n\n– نبتة اللبلاب الاوروبي European ivy: نبات تاني ليه قدرة هايلة على تنقية الهوا من ثاني اكسيد الكربون بكفاءة اكتر بكتير من اي نبات منزلي تاني.\n\n\n– نبتة Dracaena reflexa: كمان من النباتات اللي بتساعد على تنقية الهوا حواليكي من الفورمالديهايد ( اللي غالبا بيكون موجود في دهانات وورق الحائط والسجاد والستاير).\n\n– نبتة تين بنيامين Benjamin fig: شجيرة جميلة جدا بتساعد على تنقية الهوا اللي حواليكي من الفينول, البنزول, وثلاثي كلورو ايثيلين ( اللي موجودة في منظفات السجاد وحاجات تانية كتير).\n\n– نبتة Stephanotis floribunda: الازهار البيضا الجميلة دي مناسبة جدا للمطبخ ، لانها بتساعد على تنقية هوا المطبخ والحفاظ عليه صحي ، والازهار بتاعتها بتزهر طول السنة.\n\n– نبتة الالوفيرا Aloe: نبات الالوفيرا كمان من النباتات المناسبة جدا للمطبخ ، لانه بيساعد على تنقية هوا المطبخ من الفورمالديهايد والبنزول (ودي من المكونات اللي بتكون موجودة في المنظفات).\n\n– نبتة Saintpaulia: الميزة الكبيرة والفايدة المهمة جدا للنبتة دي انها بتساعد على منع النمل من مطبخك بشكل فعال جدا.\n\n12 نوع نبات لو زرعتيهم هتساعد على زيادة الطاقة الايجابية في البيت\n\nافضل النباتات للبيتافضل انواع الزرع لكل غرفةالزرع للبيتنباتات المنزل