المحتوى الرئيسى

تفاصيل عتاب محمود التهامي لـ تامر أمين بعد أزمة "الصعايدة" - E3lam.Com

02/24 01:13

قال المنشد محمود التهامي، إنه عاتب الإعلامي تامر أمين بخصوص تصريحاته عن الصعايدة، عند لقائه معه في افتتاح أحد الأماكن.

تابع “التهامي” خلال لقائه مع برنامج “كلمة أخيرة” مع الإعلامية لميس الحديدي، مساء الثلاثاء، عبر شاشة “ON”: “لقيت الناس كل بتتصل عليا وبتقولي يا شيخ محمود لازم ترد على الإساءات اللي حصلت من الإعلامي تامر أمين، وأنا للأمانة أنا عارف تامر كويس وعارف شخصيته، اللي هو قلت اتجنن ولا إيه.. ده تامر من محبي الصعايدة”.

أضاف: “ش,فت الحلقة ومن باب الأمانة في قطع في المضمون اللي وصل للناس، لكن بردو أنا شايف إنه خانه اللفظ”.

أردف: “كنت في افتتاح أحد الاستديوهات ومعايا هشام الجخ ولما دخلنا لقينا تامر أمين، والراجل أول ما شافني قالي أنا مستعد أبوس على رأسك وعلى رأس كل صعيدي وبردو عاتبته”.

استكمل: “العقاب كان قاسي لكن دي هفوة وتامر له تاريخ كبير، وهشام الجخ هو كمان عاتبه.. وبكده وريت تامر الرد بأخلاق الصعايدة، ويحسب ليه اعتذاره وإنه لم يكابر”.

أهم أخبار فن وثقافة

Comments

عاجل