معركة شرسة بين ريهام سعيد ولقاء الخميسي بسبب ثعلب

ظهرت الإعلامية "ريهام سعيد" في الأيام الأخيرة خلال أولى حلقات برنامجها "صبايا الخير" المذاع على قناة النهار وكانت الحلقة بعنوان "صيد الحيوانات" حيث قامت ريهام بصيد ثعلب وتكبيله وتعذيبه بطريقة وحشية، الأمر الذي أثار غضب الشعب المصري وكيفية معاملة الحيوانات مطالبين بمعاقبة ريهام سعيد ومقاطعة برنامجها.

موضوعات ذات صله : تعذيب الثعلب ليس الواقعة الأولى.. أزمات لاحقت الإعلامية ريهام سعيد طول حياتها

وبعد حملة الهجوم التي تزعمها رواد مواقع التواصل الإجتماعي، قامت شبكة قنوات النهار بتقديم اعتذار رسمي عن ما صدر من تصرفات من الإعلامية ريهام سعيد، وقالت في بيان رسمي :" الحلقة كانت تتضمن قضية صيد الحيوانات وكان الهدف منها تسليط الضوء على نشاط صيد الحيوانات في مصر، وتصديرها للخارج وأن الحلقة تم رفعها من على جميع المنصات التابعة للشبكة بما فيها يوتيوب وسوشيال ميديا، مؤكدة أن شبكة النهار تدعم حقوق الحيوانات لما لها من قيمة متأصلة في الحياة، أبرزها العيش دون قسوة ومعاناة".

انزعجت الفنانة لقاء الخميسي من حلقة ريهام سعيد وكيفية تعذيبها للثعلب المسكين والتي هزت دموعه القلوب، والأمر التي دفع بها لمهاجمة سعيد عبر موقع تبادل الصور والفيديوهات الأشهر إنستجرام.

وقالت لقاء الخميسي في منشور:"الرحمه الرحمه الرحمه يا بشر دا مَش مقبول اطلاقا كفعل ولا انه يتعرض على الشاشه، الحيوان بيخاف ويتألم ، ليه يبقى دا فعل عادي ليه علّشان ايه الرحمه يا بشر مع الانسان و مع الحيوان وكل كائن حي الرحمه علينا".

على ما يبدو أن كلام لقاء الخميسي على واقعة تعذيب الثعلب ازعج ريهام سعيد مما دفعها إلى الرد عليها في منشور عبر إنستجرام قائلة :"نكذب على الناس ونوريهم طريقة صيد غلط؟ طب الحمد لله إن احنا اكتشفنا أنهم بيتعذبوا كده وبطلي تلبسي جاكتات بالآلاف عشان يبطلوا يصطادوا الحيوانات دي وعلى فكرة أنتي بتاكلي حمام وهو بيتضرب بالنار وبتطلعي سمكة من المية وبتشوفيها وهي بتطلع في الروح وتاكليها وبتدبحي الجاموسة وبتصطادي الفار وبتقفلي المصيدة على ديله، أي طريقه صيد مؤلمة".

وتابعت ريهام سعيد :" الإعلام دوره العرض أي حاجة وأي مهمة بسلبياتها وإيجابيتها إحنا مش برنامج أطفال حضرتك، القتل والدم لما بيظهر في الأفلام بيجرح نظر الأطفال ده مش معناه أنك بتشجعي القتل، هو الغريب أني المفروض زميلة وأنك تنتقديني ده غير مسموح وبعدين أنا متاكدة أنك ما اتفرجتيش على الحلقة الدنيا دوارة على فكرة إن شاء الله البرنامج يكون سبب في أن الظاهرة دي تقف لأن الناس دي معاها تصاريح، المهم هنا أني عمري ما كنت أعرف أنك مهتمة بالتليفزيون أول مرة أشوفك حاطه بوست انتقاد على أساس مفيش حاجة خالص تنتقد غيري، معلش أنا مقدرة خلي بالك عشان كله بيرجع".

كانت طريقة ريهام سعيد غير مقبولة بالنسبة للقاء الخميسي والأمر الذي دفعها للرد عليها بقوة حيث قالت :" غير مقبول نهائي الفاظ خارجة ولا تليق عن مقدم البرنامج او البرنامج او القناة، الكلام واضح وصريح شكرًا لاحترام الاراء بدون اهانات".

ولكن لم تكتفي الخميسي بهذا الرد حيث نشرت منشور اخر تقول فيه :" أنا مش بتكلم عن المذيع أو المذيعة، بتكلم عن مبدأ الفعل وعرضه على الشاشة و فُرجة بعض الناس عليه على إنه فعل عادي فتيجي الأطفال تتأثر وقبلهم الكبار اللي بنشوف فيديوهاتهم وهما بيعذبوا الحيوانات، كلامي واضح، لا لتعذيب الحيوان أو أي كائن حي" بأي وسيلة ونشرها وعرضها على الملأ، ياريت ما ندخلش في تفاصيل ما تخصناش، كلامي عن المحتوى الغير مناسب وغير مقبول لأيًّ م اكان مش بس في البرنامج أو غيره في العموم، لازم طول الوقت تسليط الضوء على الرحمة مع الحيوان وعدم تعذيبه إلا في حالة الدفاع عن النفس إذا هاجم الانسان".

ردت ريهام سعيد على حملة مقاطعتها ودافعت عن نفسها وقالت :" أنا اتربيت فى منزل طول عمره فيه حيوانات، وكان عندى سنجاب وقنفذ ونسر، وطلعت الصور بتاعة ابنى إمبارح اللى ماسك فيها الحيوانات".

وتابعت ريهام سعيد حديثها :" "إحنا قلنا عايزين نركز على مهنة صيد الحيوانات وأنا ماخليتش الراجل يصطاد الحيوانات بالطريقة الصعبة دي عشان أصور، وأنا رايحة أصور رحلة صيد ذئاب وثعالب فقط".