لقاء الخميسي تهاجم ريهام سعيد والاخيرة ترد بقوة ماذا حدث

هاجمت الفنانة لقاء الخميسي بشدة ما حدث في حلقة برنامج "صبايا الخير" الخاصة بصيد الثعالب والذي تقدمه الاعلامية ريهام سعيد ويذاع على قناة النهار، حيث علقت على حسابها الرسمي بموقع التواصل الاجتماعي "انستجرام" قائلة "الرحمه الرحمه الرحمه يا بشر

دا مَش مقبول اطلاقا كفعل ولا انه يتعرض على الشاشه .

الحيوان بيخاف ويتألم ، ليه يبقى دا فعل عادي ليه !! علّشان ايه ؟!

الرحمه يا بشر مع الانسان و مع الحيوان وكل كائن حي .. الرحمه علينا"

لترد عليها ريهام سعيد قائلة:  "نكذب على الناس ونوريهم طريقة صيد غلط؟ طب الحمد لله إن احنا اكتشفنا أنهم بيتعذبوا كده وبطلي تلبسي جاكتات بالآلاف عشان يبطلوا يصطادوا الحيوانات دي وعلى فكرة أنتي بتاكلي حمام وهو بينضرب بالنار وبتطلعي سمكة من المية وبتشوفيها وهي بتطلع في الروح وتاكليها وبتدبحي الجاموسة وبتصطادي الفار وبتقفلي المصيدة على ديله، أي طريقه صيد مؤلمة".

"الإعلام دوره العرض، أي حاجة وأي مهمة بسلبياتها وإيجابيتها، إحنا مش برنامج أطفال حضرتك، القتل والدم لما بيظهر في الأفلام بيجرح نظر الأطفال ده مش معناه إنك بتشجعي القتل، هو الغريب إني المفروض زميلة وأنك تنتقديني ده غير مسموح وبعدين أنا متأكدة إنك ما اتفرجتيش على الحلقة الدنيا دوارة على فكرة إن شاء الله البرنامج يكون سبب في أن الظاهرة دي تقف لأن الناس دي معاها تصاريح، المهم هنا إني عمري ما كنت أعرف أنك مهتمة بالتليفزيون أول مرة أشوفك حاطة بوست انتقاد على أساس مفيش حاجة خالص تنتقد غيري، معلش أنا مقدرة خلي بالك عشان كله بيرجع"

لتردّ عليها الفنانة لقاء الخميسي قائلةً: "أنا مش بتكلم عن المذيع أو المذيعة، بتكلم عن مبدأ الفعل وعرضه على الشاشة وفُرجة بعض الناس عليه على إنه فعل عادي فتيجي الأطفال تتأثر وقبلهم الكبار اللي بنشوف فيديوهاتهم وهما بيعذبوا الحيوانات، كلامي واضح "لا لتعذيب الحيوان أو أي كائن حي" بأي وسيلة ونشرها وعرضها على الملأ، ياريت ما ندخلش في تفاصيل ما تخصناش، كلامي عن المحتوى الغير مناسب وغير مقبول لأيٍّ ما كان مش بس في البرنامج أو غيره في العموم، لازم طول الوقت تسليط الضوء على الرحمة مع الحيوان وعدم تعذيبه إلا في حالة الدفاع عن النفس إذا هاجم الإنسان".

هذا وقد تعرضت الاعلامية ريهام سعيد لإنتقادات لاذعة بسبب حلقة صيد الثعالب مما اضطر قناة النهار الى الاعتذار عن الحلقة وحذفها من كافة المنصات الاجتماعية

ريهام سعيد بلوك جديد يعرضها للانتقاد!

ريهام سعيد ترد على تشبيهها بوفاء الكيلاني تعليق مفاجئ!