جدل بالسوشيال ميديا على بيان مرتضى منصور الذي لم يصدر

تباينت ردود الأفعال بين جماهير السوشيال ميديا على حديث مرتضى منصور رئيس نادي الزمالك «المنحل» عقب خروج الأبيض من كأس مصر حيث نشر على صفحته على موقع التواصل الاجتماعي «تويتر»: «أجلت الرد على ادعاء المخالفات الوهمية إلى مابعد مباراة الفريق أمام الطلائع حتى لا اشغل اللاعبين وانتظروا الرد غدا بمفاجأة قاسية».

 وحتى كتابة تلك السطور لم يظهر مرتضى منصور أي مفاجأة او رد على المخالفات التي طالت نادي الزمالك وأدت إلى حل مجلس الإدارة. 

وجاءت ردود الأفعال من الجماهير متباينة حيث أيده البعض كالتالي: 

«مصدقينك والله ده جايبين حد من أيام ممدوح عباس مدير مالي منهم لله عاملين علينا كماشه وبيدمروا النادي لمصلحة الأهلي ربنا يريحنا منهم احتلوا النادي». 

وقال آخر: «الزمالك من غيرك هيضيع يا ريس وإحنا متأكدين وواثقين فيك وإنك مش هتسيبنا». 

وأيده آخر: «باذن الله ربنا هينصرك وهترجع تاني باذن الله».. «أيوه كدا اطلع وتتكلم أقسم بالله الزمالك من غيرك ولا حاجة». 

بينما سخر منه البعض كالتالي: «والله انت بوق وخلاص». 

وأكد تعليق آخر: «أصابع أبو سنيدة واضحة جداً في المؤامرة، إضرب يا معالي المستشار ولا تبالي». 

ولم يسلم منصور من الهجوم حيث أكد البعض: «هو انتو مينفعش تخسرو عشان كنتوا وحشين أو عشان المنافس كان حلو أو عشان مكنتوش مركزين والمنافس كان مركز أكتر؟، أو عشان الكوره مكسب و خساره مثلا؟! لازم تخسروا عشان في مؤامره من اتحاد كورة أو من حكم أو من كاف؟! لازم دايما تكونوا تخسروا بفعل فاعل مش عشان انتوا متستحقوش تكسبوا؟! الله يشفيكم». 

وقال آخر: «كفاية ضيعت كل اللي عملته.. إيه المشكلة كنت تمسك لسانك وانت عامل نادي مالوش حل، انت دخلت المنافس وجبت منه لاعيبه وعلمت عليهم ليه تضيع كل اللي عملته، كان لازم تغلط وتنفعل وكل يوم لازم تطلع تتكلم في البرامج... ليه كل ده حرام حرقتوا دمنا». 

وقال آخر: «إحنا ملناش دعوة شوف النيابة.. ياريت نبطل فتنة بين الجماهير، إحنا وصلنا أنا بنخسر أهم أصدقاء لينا عشان أم الكورة انتم اللي وكلنها طالع ونازل، وأخص بالذكر كمان خالد الغندور عشان كل ده غلط أهلي زمالك اخوات وتولع الكورة اللي تخلي صديق عمري أخسره». 

«مش في نيابة بردو يا سيادة المستشار ترد عليها بالمستندات والأوراق ولا أي وليه مردتش على اللجنة وهي في قلب نادي الزمالك».