هنا الزاهد لأحمد فهمي: قلبك طيب وعفوي بزيادة والأخير يرد: أكتر واحدة عارفاني ومعاشراني | خبر
أثار هجوم الفنان أحمد فهمي على قائد فريق الزملك شيكابالا وتراجعه عن الاعتذار له موجة جدل واسعة عبر مواقع التواصل الاجتماعي.
اقرأ أيضا: أحمد فهمي يتراجع عن الاعتذار لشيكابالا: الأهلي وجمهوره أسيادك
وردا على هذا الجدل دافعت الفنانة هنا الزاهد زوجة الفنان أحمد فهمي عن موقفه مشيرة إلى تواضعه مع الجمهور في العديد من المواقف وكتبت رسالة لدعمه عبر Facebook، جاء فيها " بعيدا ان شهادتي في مجروحة لان الناس هتقول بقول الكلام ده عشان جوزها. انا لا بفهم في الكورة و لا بتفرج عليها بس بشوف قد ايه الانسان ده بيحب يكون عفوي و بينسى انه ممثل و بيتعامل مع كل الناس بكل زوق حتى في الشارع و في التصوير و في كل مكان و الناس اللي عرفاه عرفين ده كويس".
وأضافت "انا عارفة انو الناس بتفضل تقول لا ده ممثل مينفعش يقول رأيه. بس للاسف الانسان ده بينسى و بيخسر من كتر م هو اللي ف قلبه على لسانه و مش بيحب ينافق و لا بيرضي حد عشان يكسب جمهور زي م ناس كتير بتعمل كده. لما بيكتب رأيه بيكتبوا على اكونت فيس بوك اللي في صحابه زيه زي اي حد اهلاوي بس للاسف بتطلع اخبار بالكلام اللي بيقولوا عموما انا عايزة اقولك انك قلبك طيب و عفوي بزيادة و بتقول اللي جواك من غير متحسبها عشان بتنسى انك ممثل اصلا بس الايام دي مينفعش تبقى كده للاسف . و اعمل اللي يريحك لانك انسان و احنا كده كده بنحبك جدا".
ليرد عليها أحمد فهمي في تعليق "انت اكتر واحدة عارفانى و معاشرانى .. بس والله انا خلاص مش فارقلى حاجة اصلا".
وكان الفنان أحمد فهمي قدّم رسالة اعتذار لقائد نادي الزمالك شيكابالا، بعد تعرضه للهجوم من قِبل بعض جماهير النادي الأهلي، ولم تمر سوى ساعات بسيطة ليتراجع الفنان أحمد فهمي عن اعتذاره لشيكابالا ووصف جمهور الأهلي أنهم أسياده.
يذكر أن شيكابالا وفهمي قد دخلا في خلاف حاد عقب الأزمة التي نشبت بينهما منذ عدة أشهر في حفل زفاف شريف منير حسن عضو مجلس إدارة نادي الزمالك السابق.
ونشبت وقتها مشاجرة عنيفة بين شيكابالا وأحمد فهمي عندما قام الأخير بالتوجه للاعب الزمالك ومصافحته، فرفض شيكابالا مصافحته ليتطور الأمر إلى مشادة لفظية تحولت إلى شجار بالأيدي.
وعلم FilFan، وقتها من مصادره أن المشاجرة وقعت بسبب هجوم أحمد فهمي على شيكابالا عبر مواقع التواصل الاجتماعي في منشورات سابقة بسبب موقف نجم الزمالك من جماهير الأهلي.
على جانب آخر تضامن عدد من نجوم الفن مع لاعب الزمالك عقب تداول فيديو لمجموعة من جماهير الأهلي وهي تزف كلبًا أسود وألبسته قميصًا أبيض وسط الهتاف باسم شيكابالا.
Comments