إنتصار السيسي: الرئيس كان شديد على الصبيان وبيدلع البنات | العاصمة نيوز

قالت السيدة انتصار السيسي قرينة الرئيس عبدالفتاح السيسي، إنها ارتبطت بالرئيس السيسي، أثناء دراسته بالجامعة، وكنت أدرس في الثانوية العامة".

وتابعت خلال لقاء خاص على قناة دي إم سي، مساء الخميس، " والدي كان بيقولي طبيعتك جميلة وهادية متغيريهاش، كان هادئ وبيحب الهدوء والصيد، ووالد زوجي طول عمره إنسان جد، كان عنده محلات خان الخليلي كان بيديرها بجد، وهو خد منه الالتزام".

وأوضحت :"الرئيس السيسي قالي في الأول بحب نكون على خط واحد، مينفعش حاجة تحصل من غير ما أعرفها، علشان يدي نصيحة تناسب الموقف ده، كان الأولاد يعملوا ليه ألف حساب، لأنه كان شديد على الصبيان".

وتابعت: " الأولاد دايما خايفين يزعل منهم، هو مش متواجد معانا طول الوقت، كان دايما يجمعهم وقت الإجازات، وكان عامل ليهم برنامج جميل، نتمشى بعد الفجر كل يوم، أمام مكتبة الطفل بمدينة نصر، كان بيعلمهم يحبوا الرياضة، بداية اليوم كانت نشاط".