المحتوى الرئيسى

وليد فواز لمحمد رمضان: ما تدفعش فاتورة مش بتاعتك | خبر

11/23 10:40

وجه الفنان وليد فواز رسالة إلى رفيق رحلته وصديقه الفنان محمد رمضان، يحثه فيها على التراجع عن موقفه بعد انتشار صور له مع مجموعة من الإسرائيليين.

ونشر فواز عبر حسابه على Instagram صورة من بدايات مشوار رمضان وكتب معلقًا: "محمد إزيك فعلا واحشني... محمد رمضان الطموح الموهوب اللي قابلته في بداية الطريق... محمد اللي لما عمل ااحكي يا شهرزاد قابلني في موقف الإسعاف وقالي فواز أنا نازل أشوف صورتي على الأفيش (إحنا هنبقي نجوم جامدين يا له) بس أنت الأجمد دلوقتي واحشني محمد اللي كان بييجي يتفرج عليا في مسرح الشباب ويبدد بحماسه وطاقته التي لا تنضب بالأمل أي شعور بالإحباط عند أي حد بيشوفه".

تابع: "محمد اللي واحشني هو محمد اللي في الصورة دي أنا حابب أحط الصورة دي أكتر من أي صورة تانية ليك دلوقتي... لو الناس كلها قالت إنك إتغيرت ميخصنيش لاأني عارف أنت مين وقد إيه كنت جدع معايا.. محمد اللي أنت وصلت له ولسه هتوصل له كمان فعلا تستاهله لإنك مميز وقبولك رباني، بس إسمحلي يا صاحبي العنيد وإللي أعرف عنه من زمان إن دماغه أنشف من الحجر ولا يسمع إلا عقله فقط".

أضاف وليد فواز: "أطلب منك أن تعيد النظر في اللي بيحصل عشان خاطر جمهورك الحقيقي "الناس البسيطة" والتي نصبتك ملكا متوجا على قلوبهم الناس اللي شافت فيك الأمل، بص من منظارهم للحكاية... بعيدا عن أي "مزايدات" "فيه خطأ حصل واللي حصل حصل وخلاص وأنت كبير وناضج وأب ورب أسرة وعارف إيه الصح وإيه الغلط، لكن يا صاحبي الاعتذار من شيم الرجال ولا يقلل منك أبدا، فكر يا محمد عشان خاطر جمهورك الكبير وموهبتك، محبش اشوف واحد بحبه بجد يدفع تمن فاتورة كبيرة قوي هي أصلا مش بتاعته، محمد أنت ذكي جدا وهتعرف تقعد مع نفسك وتحط إيدك على الصح... ربنا يعديك من المحنة دي علي خير.. رفيق الرحلة فواز".

View this post on Instagram

A post shared by Waleed Fawwaz (@walidfwaz)

وكان عدد من الفنانين قد انتقد ظهور رمضان مع إسرائيليين.

بعد صور محمد رمضان مع نجوم إسرائيليين... محمد عدوية: بتمثل نفسك وبس

محمد علي رزق يهاجم رمضان: العدو معروف والاتفاقيات حبر على ورق

وكان الصحفي والناشط الإماراتي حمد المزروعي نشر صورة تجمعه مع رمضان ومغني إسرائيلي، (شاهد الصورة)ولاقت حفاوة كبيرة من الصفحات الإسرائيلية الناطقة بالعربية، مثل صفحة أفيخاي أدرعي المتحدث باسم الجيش الإسرائيلي للإعلام العربي. (شاهد تعليقه)

محمد رمضان مع شاب فلسطيني ويعلق: تجاهل هذا الفيديو يؤكد أن القضية إيقاف نجاحي

يذكر أن عمير آدم هو مغني اسرائيلي كان جندي في الجيش الإسرائيلي. (تعرف عليه)

وبعد انتشار الصورة، نشر رمضان فيديو من دبي، عبر حسابه على Instagram، وعلق عليه كاتبا: "لا يهمني اسمك ولا لونك ولا ميلادك يهمني الإنسان ولو ملوش عنوان"، وهو ما اعتبره المتابعون بمثابة الرد الأول على ظهوره مع آدام، لكنه ما لبث أن حذف الفيديو بعد دقائق من نشره. (شاهده)

من ناحية أخرى، تواصل موقع FilFan.com مع النقيب أشرف زكي الذي صرح قائلا: "أحاول التواصل مع محمد رمضان لفهم ملابسات الأمر، وسنصدر بعدها بيانا توضيحيا". (التفاصيل)

وقال زكي في مداخلة هاتفية مع الإعلامي أحمد موسى، ببرنامج "على مسؤوليتي" على قناة صدى البلد، أنه تواصل مع رمضان هاتفيا، وقال له نصا: "أقسم بالله أعرف ده مين، كنت في بلد عربي والتقطت هذه الصورة"، مضيفا: "رمضان أخبرني أنه لم يكن يعرف أن الشخص الذي التقط معه الصورة إسرائيلي.. ولا أعتقد أن ذكاء محمد رمضان سيخونه، محمد مش بالغباء ده عشان يتصور مع إسرائيلي"، مشيرا إلى أنه سيستدعي رمضان رسميا إلى النقابة ويطالبه بنشر بيان رسمي لإيضاح الحقيقة. (شاهد المداخلة)

واستعان رمضان في تعليقه الأول بآية قرآنية وهي: "لكم دينكم ولي دين". (التفاصيل)

وانتشر بعدها صورة جديدة له مع لاعب كرة القدم الإسرائيلي ضياء سبع. (شاهدها)

أهم أخبار فن وثقافة

Comments

عاجل