رضوى الشربيني تنفي زواجها: «مقبلش أكون ضرة.. أنا بربي بناتي» (فيديو) | المصري اليوم

كشفت المذيعة رضوى الشربيني حقيقة ما تردد على مواقع التواصل الاجتماعي خلال الساعات الماضية، حول زواجها في السر من رجل متزوج.

على طريقة رضوى الشربيني..«10 طرق تقدر تقنع بيهم اللي قدامك»(فيديو)

«مش عارفة جايبة دي منين»..إطلالة جريئة لـ«رضوى الشربيني»

هكذا احتفلت رضوى الشربيني بعيد ميلادها الـ39

وقالت في بث مباشر عبر حسابها على فيس بوك أنها منذ أن دخلت مجال الإعلام واجهت الكثير من الشائعات، لا سيما المرتبطة بالزواج والطلاق، ولم ترد على أي منها سوى مرة واحدة حينما قيل اسم مواطن مغربي صراحة، فكان لا بد أن ترد وتنفي الواقعة، والآن كان لا بد أن ترد لأن الشائعة الحالية لا تخصها وحدها، بل متعلقة بأشخاص أخرين تحبهم وتعتبرهم بمثابة أسرتها، وتكن لهم كل الاحترام والتقدير.

شددت رضوى على أن كل ما تردد في هذا الشأن غير صحيح، وأنها غير مرتبطة، ولم تتزوج في السر، وأنها حين تقرر الزواج سيكون في العلن وأمام الجميع، قائلة: «أنا مش مرتبطة ولما هرتبط كل الناس في مصر هتعرف.. مش مصر بس ده الوطن العربي كله هيعرف.. عشان أنا مش الست اللي بتعمل حاجة في الخفاء.. الجواز مش حرام ومش عيب، لكن أنا دلوقت مش مرتبطة خالص، بقول ده لأن في شخص مش محترم طلع عليا إشاعة مش محترمة.. لو أنت مبتحبنيش طلع اللي أنت عايزه مش هتكلم، لكن متضرش ناس تانية معايا، ليه تضر عيلة كاملة وراجل وست محترمين ملهمش ذنب، الناس دي إخواتي فعلا».

تابعت: «في ست تقبل إنها تتجوز راجل متجوز لكن أنا لا أقبل ده، مهما حصل، كل الناس يعرفوا هي مين رضوى الشربيني، وإن أنا نصيرة المرأة وبقول لكل ست ابعدي عن كل راجل متجوز، فأنا مش هكون أول ست تكسر قلب ست زيي، أنا مش مرتبطة وبربي بناتي وبشوف شغلي ومشاكل الستات واللي بنقدر نحله بنحله، ولما اتجوز هعلن للدنيا كلها».