المحتوى الرئيسى

فيديو| عمرو أديب: الرئيس ترامب كان أقوى من بايدن في آخر مناظرة

10/24 00:58

علق الإعلامي عمرو أديب، على المناظرة المرشحين الأمريكيين في الانتخابات الرئاسية جو بايدن ودونالد ترامب، قائلا: "عملوا حاجة حلوة أوي، حاجة اسمها زرار الصمت، وده معناه أن كل مرشح له دقيقتين بس، وبعد كدة بيتقطع الصوت على المرشح والتاني دوره يتكلم".

وأوضح "عمرو أديب" خلال برنامج "الحكاية" المذاع على قناة mbc مصر، اليوم الجمعة، أن كل استطلاعات الرأى قالت إن ترامب كان أفضل قائلا :" وأنت لو سألتني أنا كعمرو وشوفت المناظرة، هقولك إن جو بايدن عايش في الإنشا، إنما ترامب عملي جدا وعنده حاجات عملها، لأن ترامب قال لبايدن إنه قعد في السلطة 8 سنوات ما حلتش المشكلات اللي بتتكلم عنها ليه".

وأضاف: "ترامب زنق بايدن بموضوع ابنه هانتر، بخصوص الشبوهات المالية اللي بينه وبين دول أجنبية أخرى ومتورط في حاجات ممكن تؤثر على مشوار والده في الانتخابات، وكل الناس تتحدث إن ترامب لو عاوز يقهر كل التوقعات يحتاج معجزة لأن المسألة ليست سهلة، وفي التصويت المبكر في أكثر من ثلث المواطنين صوتوا خلاص في هذه الانتخابات".

تابع: "سواء ده كسب أو التاني كسب، فى الحالتين لما تكون أنت قوي وشعبك بيساندك مش هيفرق معاك النتيجة في الانتخابات الأمريكية، وبايدن دايما بيستعمل ورقة الكورونا، ولو ترامب خسر الانتخابات دي، هو هيخسر بسبب الكورونا، وبسبب ارتفاع الإصابات الضخم في الولايات المتحدة الأمريكية".

أهم أخبار توك شو

Comments

عاجل