رانيا يوسف: "بصحى من النوم بلاقي نفسي تريند" - E3lam.Com

قالت الفنانة رانيا يوسف، إنها لم تسعِ يومًا خلف التريند، ولفت أنظار السوشيال ميديا.\nتابعت “رانيا” خلال استضافتها في برنامج “مساء dmc” مع الإعلامية إيمان الحصري، مساء الأحد: “أنا بصحى من النوم بلاقي نفسي تريند، من غير ما أعمل أي حاجة، يعني مثلًا النهاردة صحيت لقيتهم منزلين صورة ليا من سنتين ومتصدرة التريند، فأنا مش عارفة التريند ده مبني على إيه”.\nأضافت: “عمري ما قصدت إني ألفت النظر ولا أبقا تريند، بنتي هي اللي ماسكة السوشيال ميديا، وهي اللي بتختار الصور اللي عاوزاها وتعملها إيديت وتنزلها من غير ما ترجعلي”.\nوعن فيديو “الهولاهوب” المثير للجدل قالت، رانيا: “أنا كان قصدي أوعي الناس، أنا كنت قاعدة في البيت وحجر صحي وعمالة أكل وأطخن، قلت هنزل أجيب هولاهوب، ونعمل شوية رياضة”.\nرانيا يوسف: بصحى من النوم بلاقي نفسي تريند من غير ما اعمل حاجة#مساء_dmc\nGeplaatst door dmc TV op Zondag 18 oktober 2020\nيذكر أن رانيا يوسف تواصل تصوير مشاهدها في مسلسل “شارع 9″، من تأليف حسين مصطفى محرم وإخراج محمد عبد الخالق وبطولة رانيا يوسف، أحمد وفيق، محمود عبد المغنى، نرمين الفقى، هدى الاتربى، أحمد سلامة، صبا الرافعى، وتدور أحداثه في إطار اجتماعى به إثارة وتشويق.