نحت جسم بـ60 ألف جنيه وتحويلات بالدولارات.. ”الطريق” يحصل على نص التحقيقات مع هدير الهادي (صور ومستندات) | الحوادث | جريدة الطريق

09/18 13:21

حصل الطريق على نص التحقيقات مع فتاة التيك توك، هدير الهادي المتهمة بنشر صورا وفيديوهات مخلة، وممارسة الرذيلة بمقابل مادي.

ما قولك فيما هو منسوب إليك من أنك متهمة بالنشر بقصد العرض صورا فوتوغرافية ومقاطع فيديو خادشة للحياء على حساباتك الشخصية عبر مواقع التواصل الإجتماعي، على شبكة المعلومات وذلك على النحو المبين بالتحقيقات؟

ما قولك فيما هو منسوب إليك، من إنك متهمة بفعل علانية، أفعالاً فاضحة مخلة بالحياء العام، بأن قمت بنشر صورا ومقاطع مرئية على حساباتك الشخصية عبر مواقع التواصل الإجتماعي؟

ما قولك فيما هو منسوب إليك من أنك متهمة بالاعلان عن حساباتك الشخصية على مواقع التواصل الإجتماعي، صوراً ومقاطع مرئية تتضمن الدعوة إلى لفت الأنظار، إلى الدعارة على النحو المبين بالتحقيقات؟

ما قولك فيما هو منسوب إليك من أنك متهمة بممارسة الرذيلة، بمقابل مادي، وذلك على النحو المبين بالاوراق؟

ما قولك فيما هو منسوب إليك، متهمة بالاعتداء على المبادئ والقيم الأسرية في المجتمع المصري بأنك قمت بنشر صورا ومقاطع مرئية على حساباتك الشخصية على مواقع التواصل الإجتماعي عبر شبكة المعلومات تدعو إلى لفت الأنظار، إلى الدعارة وخدش الحياء العام؟

ما قولك فيما هو منسوب إليك بأنك متهمة باستخدام حساباتك الشخصية على مواقع التواصل الإجتماعي، بهدف ارتكاب أو تسهيل الجرائم سالفة الذكر، وذلك على النحو المبين بالتحقيقات؟

ما الذي حدث إذا، وما ظروف ضبطك وعرضك علينا، وما هي أوجه دفاعك؟

اللي حصل أني جالي مكالمة من واحد أنا معرفوش وقالي أنه بيكلمني على سناب شات وأني قولتله إن حياتي فيها بهدلة، ومحتاجة فلوس، قالي أقابله في ميدان الحصري، وهبعتلك فلوس عن طريق المحامي بتاعه، ولما روحت هناك لقيته مسكني وقالي أنه ظابط وخدني على الشقة بتاعتي ولم حاجات منها، وبعد كده وداني على إدارة الآداب وأول ما روحت هناك سألوني عن فيديو بتاع واحدة شبهي، نازل على المواقع، وأنا قولتلهم إن اللي في الفيديو دي مش أنا وجابولي دكتورة كشفت عليا، قلعتني هدومي وصورتني وقالت إن مش انا اللي في الفيديو، وكانوا بيسألوني عن باسوردات الاكونتات بتاعتي، والنهاردة اتعرضت على النيابة، وهو ده كل اللي حصل، والكلام الخاص بأني بصور فيديوهات وباخد مقابلها فلوس، وده محصلش، وأنا كنت بحاول ازود الفلورز بتوعي، علشان الشركات تخليني أعلن عن المنتجات بتاعتهم.

أنا اتولدت في قرية سيدي غازي، من أسرة اب وأم ولي اخين ولاد أصغر مني، ووالدي ووالدتي انفصلوا وأنا في ثانوية عامة، ورجعوا لبعض من شهور ودلوقتي عايشين في البحيرة.

ما هي ظروف عمل والدك ووالدتك؟

بابا بيشتغل رجل أعمال عنده معرض سيارات، وبيشتغل في الأراضي الزراعية والثلاجات، وماما مش بتشتغل.

ما هي ظروف حياة اخوتك؟

ما هي ممتلكات والدك؟

هل والدك ميسور الحال؟

ايوه هو ميسور الحال وغني.

أنا اتولدت في قرية سيدي غازي وبعدها عشنا في إسكتدرية فترة وبعد الإنفصال نقلت القاهرة، مع ماما وفي أواخر عام 2018، سبت والدتي وبدأت اعيش لوحدي، اتنقلت في كذا مكان في القاهرة لحد ما قعدت في الشقة اللي في حدائق اكتوبر.

ماسبب تركك لأسرتك والعيش بمفردك؟

علشان المفروض إننا هنعيش مع بعض في القاهرة، وأنا حالياً بدور على شقة نعيش فيها هنا.

أنا كنت في ثانوية عامة نظام أمريكان، وبعدها حولت عربي وتأخرت سنتين، وسقطت بعدها دخلت أولى كلية خدمة إجتماعية، جامعة حلوان، ومدخلتش الإمتحانات من سنتين.

ماهي ممتلكاتك ومصادر دخلك؟

معنديش ممتلكات ومصادر دخلي هي تحويلات من ويسترن يونيون من واحد دكتور مصري في السعودية اسمه "عماد ع ال".

ما صلتك بذلك الشخص وماهي كامل بياناته؟

هو كان بعتلي قبل كده على اكونت بيجو لايف قديم ليا بس مش فاكرة إسمه ولا الباسورد الخاص به، علشان مفتحتوش من زمان وعملت اكونت جديد، ومعرفش أي حاجة تاني غير إسمه.

ماهي ظروف نشأة علاقتك بسالف الذكر؟

هو كان قالي لما كلمني أنتِ إزاي داخلة على البرنامج ده وكل اللي شغالين عليه، مش شبهك وأنا رديت عليه، إني بحاول أساعد نفسي واجيب فلوس، وبدأنا نتكلم مكالمات عادية، وعرف عني تفاصيل حياتي وبدأ يبعتلي فلوس، وبقت الفلوس دي بعد كده مصدر دخلي.

ماهي عدد المرات التي قام فيها سالف الذكر بإرسال مبالغ مالية لكي؟

وما هي قيمة كل مرة؟

كانت بتختلف كل مرة ويتبقى مبلغ معين، ممكن مرة 600 دولار ومرة 1000 دولار، ومرة 1200 دولار.