”إللي عايز بليلة يروح فين”.. أحمد بلال يسخر من الزمالك بعد رحيل رمضان صبحي عن الأهلي | الرياضة | جريدة الطريق

علق أحمد بلال مهاجم النادي الأهلي السابق، على قرار رمضان صبحي بالرحيل عن القلعة الحمراء، والانضمام لصفوف بيراميدز.

وكان النادي الأهلي قد أعلن أمس الأربعاء، عن توقف مفاوضاته مع هدرسفيلد لضم رمضان صبحي، بعد إبلاغ اللاعب برغتبه في اللعب لصفوف بيراميدز.

وكتب أحمد بلال عبر حسابه الرسمي على موقع التدوينات القصيرة "تويتر": "كده فهمنا إن اللاعب لو عايز فلوس يروح بيراميدز، لو عايز بطولات يروح الأهلي".

واختتم مهاجم الأهلي السابق: "أما لو عايز بليلة أتتو عارفين هيروح فين؟".

وتعرض رمضان صبحي في الساعات الأخيرة لهجوم كبير من جماهير الأهلي، وعدد من نجوم القلعة الحمراء القدامي.

نجوم الأهلي يفتحون النار على رمضان صبحي

وكتب وائل جمعة عبر حسابه الرسمي بـ"تويتر": "التاريخ حاضر علشان يفكرنا كنا ليه كويسين فى النقطة دى، أولا العقود كانت خمس سنين، وقبل نهاية العقد بسنتين لو مجددتش مع السلامة أو تتجمد وفى ألف لاعب يتمنى يلعب عندك، ثانيا مش إحنا اللى بنعمل تماثيل عجوة وعمر ما حد يلوى دراع النادى الأهلى، دائما وأبدا سيظل الأهلى بمن حضر".

وأضاف: "الفترة اللى فاتت واللى حصل فيها من بقاء ورحيل بعض اللاعبين عن الأهلى، وما يحدث حاليا فيها دروس كثيرة جدا لإدارة نادينا فى التعامل مع اللاعبين، أهمها بس اللى باعك مرة هيبيعك ألف مرة، وفى برضه اللى اشتراك هيفضل متمسك ويبيع الدنيا والفلوس علشان خاطرك ومع ذلك بياخد وبيتقدر من النادى".

اقرأ أيضًا: وليد صلاح الدين يطالب إدارة الأهلي بمراجعة طريقة التجديد للاعبين