السوشيال اتهمته بعدم مراعاة حرمة المتوفى لجمع اللايك.. علي غزلان يدافع عن نفسه بعد "صورة القبر" - فالصو

حالة من الغضب سيطرت على مستخدمى مواقع التواصل الاجتماعي عقب نشر اليوتيوبر علي غزلان صورة لقبر وعليها دعاء للراحل مصطفى حفناوي وأرجع الكثيرون هذه الصورة لقبر اليوتيوبر الراحل، مستنكرين ذلك التصرف ومتهمينة بالسذاجة.

في لحظات الدفن الانسان العادي اللي من لحم ودم زينا كدا وبيكون عنده احساس بيكون منهار ومش ف الدنيا حرفياً ولا حاسس باللي حواليه ولا عارف مين اللي جمبه اصلا ؛ الا الشئ اللي اسمه علي غزلان جاب منين دماغ يطلع موبايله يصور دفن " صاحبه " وينزلها ستوري . pic.twitter.com/MGiUQIpv2F

— إِسْلَامُ أَيْمُنٍ (@eslamayman_96) August 10, 2020

من جانبه، قرر علي غزلان الرد على تلك الموجة من الهجوم عبر حسابه على "فيس بوك" قائلا "حسبي الله ونعم الوكيل صفحه منزله صورة لقبر #فاضي ، خدت الصورة ونزلتها وكتبت عليها دعاء الناس داخله تقول اني بشير قبر مصطفي وان مصطفي جوة وحرمه الميت !! دي صورة لقبر فاضي اقسم بالله ومش انا اللي مصورها .حرام عليكوا ، انا مش ناقص ، حرام تتاجروا بيا عشان تلموا لايكات وتشتموا ! حرام عليكوا وربنا.

وأضاف "احنا مش ناقصين ! احنا تعبانين ! حرام عليكوا انا طول الجنازة ممسكتش موبيلي اصلا ولا طلعته من جيبي وعزه جلال الله .. الناس كانوا معايا تقدروا تسألوهم .قسماً باله مصورتش ومنزلتش حاجه .الناس بدل ماتدعي لمصطفي داخلين يشتموا ويختلقوا مواضيع كذب وافتراء !وانتوا متشيروش حاجه لاي حد قبل ماتتاكدوا منها ارجوكم .. في ناس قذره ربنا ينتقم منهم بيصطدوا في الميه العكرة .حسبي الله ونعم الوكيل ،، اتقوا الله ".

مصطفى حفناوى في ذمة الله.. وفاة اليوتيوبر الشهير بعد أيام من إصابته بجلطة فى المخ

كان مصطفى حفناوي قد أصيب بجلطة في المخ منذ 5 أيام، بسبب تشخيص طبي خاطئ لحالته الصحية، وفقا لروايات اصدقئة، مما أدى لدخوله في غيبوبة بإحدى المستشفيات.