شريف مدكور: «السرطان هدية من ربنا ليا»

قال الإعلامي شريف مدكور، إن الرسوب في مرحلة الثانوية العامة لا يعني نهاية العالم، لافتًا إلى أنه رسب في هذه المرحلة، معقبًا: "سقوطي كان حاجة مهمة جدًا، لأنه قواني وخلاني عرفت قيمة حاجات كتيرة جدًا، وقربني من أسرتي لأنهم محسسونيش إني ارتكبت جرم كبير، وقالولي مش ضروري تكون قدراتك في المذاكرة ممكن تستثمرها في حاجة تانية".

وأضاف الإعلامي شريف مدكور، خلال لقائه ببرنامج "السفيرة عزيزة" المذاع على فضائية "dmc"، اليوم، أن تجربة مرض السرطان كانت امتحان جيد بالنسبة له، متابعًا: "أنا بشوف إن السرطان لما بيجي للواحد بيغير شخصيته للأحسن، ومش عايز حد يفتكر إنه غرور بس ده كان اختبار وهدية حلوة أوي من ربنا، ومبسوط إني قدرت أغير فكر الناس ونظرتهم لهذا المرض".