القصة الكاملة لبيع "دواسات حمام" تحمل صورة السيدة العذراء.. خناقة بين "التوحيد والنور" والزبونة - فالصو

تداول عدد من مستخدمي موقع التواصل الاجتماعي فيس بوك صفحة  باسم "أمسيحي أساحبي"، منشورا مصحوبا بصورة للسيدة العذراء، منقوشة على طقم مفروشات يستخدم في الحمامات جاء فيه: "أسف طبعًا للصور دى بس كان لازم الكل يعرف ”التوحيد والنور” بيبيع طقم دواسات حمام عليه صورة العذراء مريم، والشركة المصنعة للطقم دا اسمها ”الدلتا”  طبعًا شيء قمة فى الاستفزاز والحقارة، المفروض إن العذراء مريم ميختلفش عليها حد أساسًا ومش موضوع جدال أيًا كانت ديانتك”، وهو ما أثار حالة الجدل والغضب بين رواد السوشيال ميديا.

اعرف حقيقة بيع دواسات حمام عليها صورة السيدة العذراء مريم

بالبحث عن حقيقة ما تداوله رواد مواقع التواصل الاجتماعى بشأن صورة للسيدة العذراء، منقوشة على طقم مفروشات يستخدم في الحمامات وتباع بمحلات وفروع التوحيد والنور، علق أدمن الصفحة الرسمية لمحلات التوحيد والنور على ما تم نشره في صفحة “أمسيحي أساحبي”، قائلا: طبعا الكلام ده مش صحيح ويستحيل نقبل بشيء زي ده، يا ريت صحاب الصور يعرفنا مكان الصورة ونحن على استعداد للذهاب معهم لمكان الصورة، تأكيدًا للجميع أن هذا المنتج لا يوجد عندنا ولا عمره اتباع عندنا، ونحن لا نقبل بشيء مهين سواء كان على الديانة المسيحية أو الاسلامية، كلنا بلاد واحدة، وكلنا مصريون، وأنا بعتذر عن هذا المنظر مرة أخرى، وأرجو منكم تأكيد المصدر قبل الاتهام.

منشور السيدة صاحبة البوست

 البداية عندما نشرت سيدة، من مستخدمي موقع التواصل فيس بوك، على صفحتها الشخصية قائلة: شركة الدلتا … التوحيد و النور فرع فيصل نصر الثورة فرحي قرب ومضغوطه جدااا ونزلت أشتري باقي الطلبات اللي نقصاني ومن ضمنها دواسات الحمام، ولأني مكنتش شايفه قدامي أخدت الدواسات دي وروحت … اتفاجأت بأختي بتقولي دي عليها صورة ماما العدرا!!!!! (ستنا مريم) ولما شوفتها تنحت وحاولت اجمّع … ايه دا؟!!! دا بجد!!  هو على حد علمي أن السيده العذراء دي مكرمة من المسيحيين وغير المسيحيين، فالشركة اللي عملت كدا تقصد ايه!! الموضوع مش صغير ومش قليل ومش سهل.

توضيح شركة التوحيد والنور

فيما علقت نفس السيدة صاحبة الواقعة على صفحة أمسيحي أساحبي قائلة:”يا جماعة بكل هدوء أنا صاحبة المشكلة وكل البوستات اللي انتشرت ف جروبات و صفحات دي أنا مكنتش على علم بيها نهائي، أنا ولا طالبة أن الناس تقاطع التوحيد والنور، ولا عايزة يحصل مشاكل الغلط وارد جدا جدا … و الغلطة عالشركة المنتجة أكتر من الموزع، أنا كل هدفي وطلبي أن المنتج دا يتسحب من السوق ويتم تقديم اعتذار عن أن حاجه زي كدا حصلت سهوا مش عمدا لا أكثر ولا أقل، ولا ليا دعوة بفتنة ولا مسيحي ومسلم ولا كل الكلام دا  فمن فضلكم بلاش أي إشاعات أو أي تغليط” .

كما نشرت السيدة فاتورة ردها للمنتج المحتوي صورة السيدة العذراء، وعليها اسم المحل، وتاريخ رده، وعلقت قائلة: صورة وصل المرتجع من فرع نصر الثورة بالتاريخ لأنهم رفضوا مراجعة الكاميرا ف الميعاد اللي ذكرته، ورفضوا يطلعونا على أصل الفاتورة اللي وضحت الرقم المسلسل بتاعها.