لاعبة الأهلي توجه رسالة لحسام عاشور: ”مرتبي 900 جنيه وكان ناقص أبات في النادي” | الرياضة | جريدة الطريق

08/06 16:49

وجهت مروة عيد عبد الملك لاعبة يد الأهلي السابقة، نادي نيس الفرنسي الحالية، رسالة لحسام عاشور قائد القلعة الحمراء السابق على خلفية حديثة الأخير بسبب أزمته مع مجلس إدارة الأحمر.

وكان حسام عاشور قد خرج على وسائل الإعلام كاشفًا تفاصيل جديدة في خلافه مع مجلس إدارة الأهلي برئاسة محمود الخطيب، وعلاقة تركي آل الشيخ.

وكتبت مروة عيد عبد الملك عبر حسابها الرسمي على موقع التواصل الاجتماعي "فيسبوك": "أحمد فتحى بيصلي استخارة عشان 22 مليون جنيه، حسام عاشور عايز 20 مليون عشان مزنوق في أقساط، وبيطبل لترك آل شيخ".

وتابعت: "اختكم مروة عيد 900 جنيه مرتب شهري وكنت بركن في الأوبرا بكل فخر وتناكه 10 جنيه في اليوم وكان ناقص أبات في النادي والمصحف".

وأضافت: "وكل يوم كنت باكل 3 "منقوشة سجق " الواحدة بخمسة جنيه، وأسعد يوم في حياتى وأنا رايحة أخد الـ900 جنيه من أستاذ أحمد في الحسابات".

وواصلت: "العيال دى فين أهاليها؟ طب فين صحابها؟ طب فين جيرانهم، مفيش حد محترم يقعد يتكلم معاهم محدش بيقولهم يا ابني عيب يا ابني احترم نفسك وخلي عندك دم ده لولا النادي الأهلي كان زمانكم مرمين في أندية شركات أقسم بالله".