طريقة عمل وصفة الفراخ بالزبدة الهندية بالخطوات والفيديو - بنات حوا
وصفة الفراخ بالزبدة من الاكلات المعروفة اللي دايما بتكون موجودة على السفرة الهندية ، والاكلة مكوناتها سهلة وبسيطة وفي نفس الوقت طعمها لذيذ جدا ، والنهاردة من خلال موضوعنا هنعرف مع بعض طريقة عمل الفراخ بالزبدة بالخطوات والفيديو.
– 800 جرام وراك او صدور فراخ من غير عضمو لا جلد متقطعة مكعبات.
– 1 معلقة كبيرة جنزبيل مفروم او مبشور.
– 2 معلقة صغيرة جارام ماسالا.
– 1 معلقة صغيرة كركم.
– 1 معلقة صغيرة كمون مطحون.
– 1 معلقة صغيرة شطة.
5- ضيفي الطماطم المهروسة والشطة والملح ، وسيبيهم لمدة 10 – 15 دقيقة ، مع التقليب من وقت للتاني ، لحد ما الصلصة تبقى كثيفة ويبقى لونها احمر بني غامق.
6- ارفعي الخليط من على النار واضربيه في الخلاط كويس لحد ما يبقى ناعم مافيهوش اي كتل ، وممكن تحتاجي انك تضيفي من معلقتين مية لحد ربع كوباية بالتدريج لحد ما تديكي القوام المناسب اللي ميكونش كثيف اوي ولا سايل.
7- رجعي الصلصة بعد ما ضربتيها في الخلاط للطاسة مرة تانية على النار ، وضيفي لها الكريمة والسكر ، وبعدين ضيفي الفراخ للصوص وسيبيها على النار لمدة 8 – 10 دقايق كمان لحد ما الفراخ تستوي في الصوص ويبقى سميك.
8- وكده طبقنا يبقى جاهز اغرفي الفراخ وزينيها من فوق بكزبرة خضرا مفرومة ، وتتقدم مع ارز ابيض بالزبدة والثوم وعيش ، والهنود دايما بياكلوه مع خبز النان الهندي المعروف.
الجارام ماسالا من اشهر انواع التوابل المستخدمة في المطبخ الهندي مع كل الاكلات تقريبا وهي عبارة عن مجموعة توابل مع بعض.
– 2 معلقة كبيرة من بذور الكزبرة, 1 معلقة كبيرة من بذور الكمون, 1 معلقة كبيرة حبهان مش مطحون, معلقة كبيرة فلفل اسود مش مطحون, 1 معلقة صغيرة من بذور الشمر, 1 معلقة صغيرة من بذور الخردل, ½ معلقة صغيرة اعواد قرنفل, قرن فلفل احمر حار مجفف وتقدري تزودي كمية الفلفل الحار حسب الرغبة او تستغني عنه خالص, 1 معلقة كبيرة كركم مطحون, عودين او تلاتة قرفة خشب, ورقة لوري صغيرة.
– في طاسة على النار ضيفي كل التوابل اللي مش مطحونة الكزبرة, الكمون, الحبهان, الفلفل الاسود, الشمر, الخردل, القرنفل, قرن الفلفل الحار, القرفة, وورق اللوري ، حمصيهم كلهم مع بعض على نار متوسطة ، وقلبيهم لمدة من 2 – 3 دقايق لحد ما تبدأي تشمي ريحة قوية للبهارات ، بعدها اطحني التوابل كلها في الكبة لحد ما تبقى ناعمة ، وبعدين ضيفي لها الكركم المطحون واضربيهم مع بعض تاني لمدة 3 – 5 ثواني ، لحد ما الكركم يمتزج كويس مع باقي التوابل.
– احفظي التوابل في برطمان مكحم الغلق للاستخدام ، ممكن يقعد معاكي لحد 6 اسابيع ، لانه بعد كده هيبدأ يفقد ريحتة ونكهته ، تقدري تضيفي من خليط التوابل ده لكل اكلاتك بمقدار معلقة او معلقتين صغيرين ، ممكن تضيفيه للارز, صلصة الطماطم بتاعة البيتزا, او المكرونة وغيرها من الاكلات.
Comments