نادين نجيم: الله عطاني عمر جديد.. انفجار بيروت كان قريب وصعب

أُصيبت الفنانة اللبنانية نادين نسيب نجيم، بجروح بالغة جراء انفجار مرفأ بيروت الذي وقع عصر الثلاثاء، وروت تفاصيل ما تعرضت له أثناء الانفجار، عبر حسابها على إنستجرام.

وقالت نجيم: "بشكر ربي أولا، رجع خلقني وأعطاني عمر جديد، الانفجار كان قريب والمنظر مش متل الحكي فعلا، يلي بيفوت على بيت وبيشوف الدم وين ما كان وكل شي مكسر ما بيقول إنّه بعدنا عايشين، الحمدالله ألف مرة عطاني القوة أنزل 22 طابق حافية مغطسة بالدم تقدر خلص حالي، الناس كلها مدممة جرحى قتلى سيارات مكسرة ناس عم تصرخ وتبكي".

وتابعت: "وقفت سيارة قلتله دخيلك ساعدني كان ابن حلال وصلني على أول مشفى، رفضوا يستقبلوني لأنه كانت مكدسة بالجرحى، رجع أخدني على مشفى المشرق أسعفوني وخضعت لعملية 6 ساعات، لأنه نص وجهي وجسمي مدمم بس يلي شفته على الأرض صعب كتير ينوصف فعلا، وكأنه قنبلة نووية، شكرا يا رب إنك حميتني وحمدا لله ولادي بخير وسلامة ما كانوا بالبيت، بشكر الله كل لحظة ويارب ترحم الموتى وتشفي الجرحى".