أبرزهم ”حلمي وكرارة وهنيدي”.. تعرف على ذكريات النجوم مع الثانوية العامة ومجاميعهم | فن وثقافة | جريدة الطريق

مع إعلان نتائج الثانوية العامة لعام 2020، انتابت الأسر المصرية والطلبة حالة من الفرح أو الحزن كلا حسب مجموعه، لذا تعيش الأسر خلال هذه الأيام فترة عصيبة مع تحديد مصير أبنائهم في الكليات.

وأكمل: "حاولت أعوض اللي معملتوش مع ولادي ودخلتهم مدارس جيدة، ولكن كل لما أروح المدرسة عندهم أفتكر الماضي الأليم، وفي فرق كبير في المدرسين بيني وبين أولادي وللأسف مش بساعدهم لأني معرفش حاجة ".

كما تحدث الفنان الشاب أحمد فهمي عن ذكريات الثانوية العامة وأيام الدراسة، خلال لقاء له مع إسعاد يونس في برنامج صاحبة السعادة، حيث قال: "والدتي كانت معيشاني في ضغط وكانت بتضحك عليا وقالت لي رابعة ابتدائي شهادة".

وأضاف: "في المدرسة كنت شاطر وكنت شقي جدا بشكل مبالغ فيه، وده كان غل من البيت لأننا طوال جلوسنا في البيت كان لازم نذاكر دائمًا".

وأكمل أحمد فهمي: "في 3 ثانوي جبت 99.8%، وفي الصف الثاني الثانوي حصلت على 96.6 %، ووالدتي كانت عاملة معسكرات في البيت".

وكشف الفنان الكبير عبدالله مشرف عن نجاحه في المعهد، بالرغم من رسوبه في الثانوية العامة، 3 مرات، وقال "سقطت 3 مرات في الثانوية العامة، وفي آخر عام قررت أجتهد وأذاكر وقلت لا أريد مجموعًا فقط أريد النجاح".

وأضاف موجهًا نصيحة للطلبة: "أي حد لو صمم على حاجة ربنا هيدهاله لأني لما صممت في آخر سنة ونجحت، وأنا كنت بسقط ومش بذاكر ومش مهتم وكنت بحب التمثيل من صغري".

تحدث محمد هندي خلال لقائه في برنامج "معكم" مع الإعلامية منى الشاذلي، قائلًا: "روحت مدرسة الثانوية الرياضية وكانت مرحلة الثانوي من أجمل سنين حياتي، والمدرسة الرياضية اتقفلت بعد أولى ثانوي، بعدها روحت مدرسة في إمبابة جمب بيتنا وجبت في الثانوية مجموع  57.5% وتعبت أوي في السنة دي".

وأضاف: "الواحد بيكتشف أنه نصيب ده المبرر اللي بحاول أجده بعد الثانوية العامة دخلت الحقوق واترفدت بعد سنتين، لأني كنت مشغول في المسرح وهو اللي شددني مفيش حضور ولا مذاكرة خرجت من حقوق فهمت إن ربنا موجهني وروحت قدمت في أكاديمة التمثيل".

كما كشف الهضبة عمرو دياب أنه كان يكره الدراسة، مشيرًا إلى أنها كانت من أصعب مراحل حياته الدراسية، حيث حصل حينها على مجموع 60%، ما دفعه للالتحاق بمعهد الموسيقى العربى ليبدأ بشكل فعلى أولى خطواته فى مشواره الفنى.

بينما شارك أحمد السعدني متابعيه وجمهوره أيضًا ذكرياته مع الثانوية العامة من خلال منشور عبر حسابه بموقع "إنستجرام"كاتبًا: "أول يوم امتحان ثانويه عامة كان لغة عربية الساعه 9 صباحًا مدرسة جمال عبد الناصر صحيت 9 إلا خمسة في بيتنا أحمد عرابي المهندسين على أمي بتنفضني عالسرير زي ما بتنفض السجاده في الشباك نزلت بالبيجاما تقريبًا ونزلت معايا ومحضرالي سندوتشات وصلنا المدرسه 9 وربع".

تابع: "لقينا البوابة مقفولة أمي شبكتلي ونطيت من فوق السور على صوت بتاع الأمن بينده عندك يا ابني عليا سبرنت مو صلاح أو على أيامها ياسر ريان الجناح الطائر جري في المدرسة كلها بتوع بتاع الأمن زي مطاردات سلام يا صاحبي".

واصل: "وصلت للجنة وبوس أيادي عشان يدخلوني وامتحن وبعد الامتحان وقفنا عند كشك قدام المدرسة بنسمع شريط عمرو دياب كان لسه نازل اغنية مش حضعف وروحت".