مي كساب: يوسف الشريف مضايقكم قوي كده ليه؟
دافعت الفنانة مي كساب عن الفنان يوسف الشريف، بسبب تواصل الانتقادات الموجهة إليه عقب تصريحاته الأخيرة بشأن رفض المشاهد الساخنة.
اقرأ أيضا: مدحت العدل عن تصريحات يوسف الشريف: نفاق واضح للسوشيال ميديا
كتبت مي عبر حسابها على Twitter: "في يوم بابا صلاح عبد الله زعقلي وقالي ما تقوليش رأيك في زميل أو شغله أو آراءه.. ما يصحش عيب قولتله حاضر مش هاعمل كده تاني".
تابعت: "النهاردة حسيت جدا بكلامه إيه الهبل ده إيه الأوفر ده انتوا مالكم بيوسف الشريف مضايقكم قوي كده ليه، هو حر حر بتطالبوا بالحرية والديموقراطية بمنتهى الديكتاتورية".
كان يوسف الشريف قد صرح مؤخرا في برنامج "مساء dmc"، قائلا: "في قيود أنا بحطها لنفسي زيادة عن أي حد تاني، ودي حقيقة حتى لو وصلت لدرجة العقود.. دي حقيقة بقالها 10 سنين أو أكتر، ده من بعد فيلم هي فوضى، بدأت أفكر بالطريقة دي.. دي حرية شخصية طالما مبضرش حد.. أنا مبستريحش لو بقي فيه مشاهد ساخنة أو فيها قبلات.. دي قاعدة بطبقها على نفسي بس.. بدأت أحط قيود لأن قبل كده في منتجين اتفقت معاهم على ده ووقت التنفيذ غيروا كلامهم".
تابع: "وهنا أنا لا أزايد على زملائي أو إني أحسن منهم، بالعكس كلهم ليهم الاحترام ومنهم من يقدمون أعمالا محترمة دون أن يتعمدوا هذه الطريقة.. عشان بس الكلام ميتفهمش إني بزايد عليهم أو بقول إني أحسن منهم.. خالص".
Comments