السولية يعلن تقديم بلاغ رسمي ضد المسيئين لابنته ليلى

07/13 12:15

أعلن عمرو السولية لاعب الأهلي و المنتخب الوطني، اتخاذ كافة الإجراءات القانونية ضد كل من أساء له ولابنته ليلى.

وكان لاعب الأهلي قد نشر صورته مع ابنته الصغيرة ليلى وتعرضت الصورة لتعليقات سيئة وتحرش لفظي وتنمر من قبل بعض المتابعين للسولية على انستجرام.

وقال السولية منذ قليل عبر حسابه الشخصي : تم اتخاذ كافة الإجراءات القانونية و عمل محاضر لكل من أساء في حقي أو في حق أفراد أسرتي ، ياريت أي حد يتعرض لأي موقف مشابه مايسكتش عن حقه علشان نقدر نقضي على الظاهرة البشعة المنتشرة في مجتمعنا و سيحاسب كل من أساء ربنا يحفظنا جميعا.

جدير بالذكر أن السولية كان قد هاجم التعليقات على صورة ابنته قائلا : ليلى بنتي عندها 3 سنين ونص لسة قالعة البامبرز من كام شهر الكلام ده بيتقال على طفلة، إيه اللى يخلي بني آدم خنزير ممكن يبص على لبس طفلة وبركز على أنه خنزير فعلا، إيه المرض ده دول اللى لما بيكبروا بيكونوا مغتصبين ومتحرشين واللي بنخاف على بناتنا وأهلنا ينزلوا الشارع عشان ميتعرضوش لأذاهم.