الفنانة أنغام تعلق على وفاة رجاء الجداوى وتعتذر على الهواء: "صدمتي كبيرة" (فيديو) - فالصو

عبرت الفنانة أنغام، عن حزنها على وفاة الفنانة القديرة رجاء الجداوي، إثر معاناتها بالإصابة بفيروس كورونا، قائلة :"رجاء صحبتي وشخصية نادرة لن تكرر، مفيش حد بالحنية دى".

وأضافت أنغام في مداخلة هاتفية مع الإعلامية لميس الحديدي ببرنامج "القاهرة الآن" على قناة "العربية الحدث"،: "رجاء كانت تهتم بالاطمئنان عليها من آن لآخر، مش عارفة الدنيا هتبقى إزاي من غيرها.. كانت من أوائل الناس اللي بتسأل عني.. تتصل بيا بدون سبب تقولي بتصل بيكي يا حبيبتي عايزة اسمع صوتك طمنيني عليكي".

وتابعت:"شوفت رجاء وهي بتحتوي مواقف بابتسامة وبهدوء من الصعب إن حد في نفس الموقف زيها يعرف يبتسم ويكون هادي، شوفتها في أيام تصوير طويلة جدا وكنت بقول ما شاء الله ربنا يديها الصحة لا بتكشر ولا بتشتكي..عندها قوة تحمل، تقدر تبتسم في أحلك الظروف، كان عندها حضور ونجومية حقيقة جذابة بدون أي افتعال".

"راضية بقضاء الله".. طبيب رجاء الجداوى يكشف آخر كلمات الفنانة الراحلة (فيديو)

الممرضة المرافقة للراحلة رجاء الجداوى: كانت حريصة على سماع القرآن والاستغفار

"اتقهرت لما الناس اتنمروا عليها بالسوشيال ميديا".. يحيى الفخرانى ينعى رجاء الجداوى

واعتذرت أنغام على الهواء: "معلش أنا نفسي ضيق جدا من ساعة ما عرفت الخبر بتنفس بصعوبة.. كنت بادعي واقول يا رب أنت قادر على كل شيء ممكن ترجعهلنا وتخليهالنا.. صدمتي كبيرة ".