18 تسريحة شعر سهلة خطوة بخطوة تقدري تعمليهم بنفسك في البيت - بنات حوا

لو بتدوري على تسريحات سهلة وفي نفس الوقت شكلها حلو, النهاردة هنشوف مع بعض تسريحات شعر سهلة خطوة بخطوة تقدري تعمليهم بنفسك في البيت من غير ما تضطري تروحي للكوافير.

تسريحة بسيطة وسهلة جدا, في جنب ضفري ضفرتين صغيرين جنب بعض, وفي الجنب التاني ضفري ضفيرة صغيرة وخدي خصلة تانية اعمليها لفتين بس على بعضين, وبعدين لمي الجناب مع باقي الشعر ولفي الشعر كله لفتين على بعض, وبعدين لميه كله على فوق ودخليه جوه الضفاير وثبتيه بالبنس.

2- تسريحة ضفيرة ديل السمكة Fishtail braided:

خدي الاول جزء من الشعر من فوق سرحيه بالمشط بالعكس عشان تديه حجم زيادة, خدي تلت الشعر من فوق قسميه نصين, وابدأي ضفريه وانتي بتضفري خدي خصلة من الشعر من تحت دخليها مع الضفيرة من الجنبين, لحد ما تخلصي الشعر كله.

خدي الجزء بتاع القصة سرحيه بالمشط او بالفرشة بالعكس عشان تديه حجم اكبر, بعدين لمي الشعر كله على ورا ابرميه وارفعيه على فوق ودخليه جوه بعضه وثبتيه بالبنس.

4- تسريحة Romatic side braid:

خدي جزء من الشعر من قدام عند القوصة وابدأي ضفريه, وخدي خصلة من الشعر من ورا ومن قدام دخليها مع الضفيرة لحد ما تخلصي الشعر كله واربطيه باستك من تحت.

حطي الباندانا ورا الجزء بتاع القوصة, خدي خصل الشعر من الجنبين وابدأي لفيها حوالين الباندانا.

15- تسريحة Easy twist bun:

اقسمي الشعر نصين, وكل نص لميه بتوكه على شكل ديل حصان بارتفاع متوسط, كل نص اقسميه اتنين ولفيه على بعض واشبكيه باستك من تحت, بعدها ارفعي النصين عكس بعض وثبتيهم بالبنس.

اول حاجة خدي جزء من الشعر من فوق سرحيه بالعكس عشان تديه حجم اكبر, لمي الشعر كله على شك ديل حصان عالي, اقسميه نصين, وضفري كل نص واربطيه باستك من تحت, وبعدين لفي الضفيرين عكس بعض على شكل كحكة وثبتيها بالبنس, وفي الاخر رشيها بالمثبت, تقدري تحطي توكة على شكل فيونكة كبيرة تحت الكحكة عشان تديها شكل احلى.

الجزء اللي فوق من الشعر ورا القوصة سرحيه بالمشط بالعكس عشان تديه حجم اكبر, لمي الشعر كله ديل حصان بارتفاع متوسط, وخدي خصلة من الشعر لفيها حوالين ديل الحصان وثبتيها بالبنس.

خدي خصلة من الشعر من قدام اعمليها ضفيرة جانبية, واثناء ما انتي بتضفري خدي خصل من الشعر من ورا دخليها مع الضفيرة, واربطيها من تحت باستك.