شاذ ومريض جنسي و سادي.. حكايات زوجات فى محاكم الأسرة

وقائع مأساوية سطرتها سجلات قضايا الخلع والطلاق، ضمت بين طياتها وأوراقها قصص لا يصدقها عقل حكايات بنات.. 6 وقائع تعرضت لها 6 زوجات ، اختلفت فيما بينهم في التفاصيل ولكنها اتفقت في المأساة وفي الصدمة، حين تحول الزوج من هذا الملاك الطيب الذى شاهدته في البداية تدريجيا إلى شيطانا في صورة بني الأنس، تغير 360 درجة بل وأكثر لينتهي المطاف بالطلاق أو الخلع.

مصرية تصاب بمرض جنسي غريب بعد عودة زوجها من دولة عربية

الحكاية الأولى كانت لفتاة سردت مآساة لم يتوقعها أحد قائلة "مفيش قدامي طريق غير الخلع بعد ما جوزي جابلي مرض جنسي" .. هذه الكلمات التى خرجت من وردة ذبلت قبل الآوان، دموعها باتت رفيقها الأول والأخير، سردت قصة زواجها، ومشكلتها مع زوجها وأهله، التي عانت فيها الأمرين بين ظلم ومرض من زوجها وسباب من أهله.

حزنها تحدث عن حالها، وبكلمات صوتها خافت سردت الفتاة م ح قصتها قائلة " أنا فتاة تلقيت تربيتي في المدينة، وتقدم للزواج مني طبيب من إحدى قرى الأرياف، عائلته أقل من عائلتي في المستوى المادي والاجتماعي والثقافي ، ولاقى ذلك رفض أهلي لهذه الزيجة، وفي ذلك الوقت صممت على الزواج، ووقفت ضد أهلي كلهم"، استمرت بيني وبينه قصة حب وكبرت، وبناء عليه وقفت جنب جوزي في تأسيس منزل الزوجية ، ودفعت له تمن الشبكة، وأهلي قرروا يعملوا فرح يتم دفع ثمنه بالنصف بيننا، ودفعت نص الفلوس المطلوبة منه في الفرح من ورا أهلي، وأديته فلوس الأجهزة الكهربائية من ورا أهلي كمان واتجوزنا في شقة إيجار".

وتسرد الفتاة تفاصيل حياتها بعد الزواج قائلة : بعد عقد القران والفرح جوزي قرر يسافر بره يشتغل، وقفت جنبه وسافر  دولة الكويت عن طريق واحد قريبنا، وفي الوقت ده كنت حامل واتفقنا اسافر معه ونستقر في الكويت"، وعن مشوار العذاب وتحول زوجها قالت: اول ما جوزي سافر معاملته تغيرت معايا، وبدأ يشتمني بألفاظ على أسباب تافهة، وخناقات ومشاكل، وخلفت طفلتي ووعود السفر للكويت انهارت وفضلت في مصر، ومكنش يبعتلي أي فلوس أعيش بيها انا وبنتي، ده حتي مبعتش فلوس الولادة، وكان يخاصمني بالشهور، وارجع اصالحه، ولما كان بينزل اجازة شهر كان بيروح عند أهله، ويقولي متجيش انتي خليكي عشان مش بيحبوكي".

استكملت الفتاة حديثها قائلة : معاملة أهل جوزي  كانت فوق الخيال شتائم وقلة أدب، تهزيق عمال على بطال، كلام حماتي كله كان عن الجنس والعلاقة الزوجية  بس، وده كان عكس تربيتي في بيت أهلي، وتفجر مفاجأة عن مأساتها قائلة : تعبت بعد فترة خناقات سنتين واكتر، ولما روحت كشفت طلع عندي مرض ينتقل من العملية الجنسية، مكنش إيدز بس هو مرض تاني، وأثناء فترة علاجي، طلبت الطلاق واخويا قال لجوزي طلقها واحنا متنازلين  عن اي حاجة واتهمني جوزي بالخيانة وقال على أنى أنا السبب المرض منين مع ان ربنا يعلم ان هو اللي عداني، أخويا قفل في وشه التليفون، وقدمت قضية خلع منه".

حكاية منى مع ابن أمه والـ 7 حموات

الحكاية الثانية كانت بعنوان "إبن أمه ودلوعة أخوات".. وسردتها الفتاة منى قائلة «تزوجته عقب قصة حب لمدة 3 سنوات وخلال تلك الفترة لم أر منه سوى الكلام الجميل» الا اننى لم أكن أعرف بأنني سأجد في حياتي 7 حموات يتحكمون بي وببناتي كيما يشائون وها أنا الآن أحاول الحصول على الطلاق عقب زواج نتج عنه طفلين لم يختارا أبائهنا.. بهذة الكلمات بدأت منى محمد كلماتها لتسرد حكايتها مع زوجها.

وأضافت منى والدموع تملأ عينها: «عقب زواجنا بأيام قليلة ظهر وجه زوجي وعائلته الحقيقي فوجدت أن لي 7 حموات وليست واحدة، فأكتشفت أن من يحرك زوجي هن أمه وجدته و5 إخواته البنات»، وتابعت: «زوجي ولد وحيد على 5 بنات هو أصغرهم وجميعهم يسكنون بالقرب منا وكنت أشاهده يوميًا وهو يذهب إلى شقته أمه ولكنني ظننت في البداية أنه أبن بار بأمه ولكني أكتشفت أنه لا يستطيع أن يأخذ أي قرار إلا بالرجوع إلى لجنة صياغة حياتي»، وفجأة اكتشفت انه لا يمكن أن يأخذ أي قرار إلا باستشارة جميع أفراد اللجنة فكنت لما بطلب منه أي حاجه كان بيقولي اديني مهلة أفكر ولكنه كان يذهب ليستشير جدته وأمه وإخوته الـ 5 ومن هنا بدأت مصيبتي» وتابعت: «في يوم قررت أشتري 5 كيلو طماطم أخزنهم في البيت فجأة حصل اجتماع عندي في البيت لكامل اللجنة وتداولوا القضية وانتهوا إلى رفض طلبي بعد مناقشات لمدة ساعتين».

وتابعت: «والله العظيم كانت ببتشكل لجنة لشراء فستان لبنتي أو جزمة لأبني كل أسرار بيتي معروفة للكل، لتصبح حياتي كلها بنود ممنوعات ممنوع الخروج ألبس على مزاجهم، وصلت أن أي واحدة من أعضاء اللجنة لو عندهم مشكلة صغيرة بتطلع عليا انا وأولادي»، وأستكملت وهي تحاول أن تحبس دموعها: «لما كان بيشتري لحمة للبيت كانت لازم تتعاين وتتقسم في أكياش ويخرج القرار بعدها 4 أكياس بـ 4 طبخات لمدة 8 أيام، الأصعب أن اللجنة كانت ممكن تنعقد عشان تدور ورايا ازاي الخيار خلص أو الكوسة وإزاي طبخت بطاطس متبخطش بسلة».

وأستطردت: «وصلت لمرحلة إني أخدت قرار بالطلاق عشان مش قادرة أكمل حياتي بالمنظر ده لأنه فوق كل الي بيحصل في حياتي هو بخيل وأناني أهم حاجه بأكل أمه وجدته وإخواته البنات وانا والولاد مش في الحسبه، ولأني استحملت كتير الضرب والشتيمه باسوأ الألفاظ»، وقالت منى: «انا سبت البيت ومشيت بعد ما اللجنة خدت قرار أنها تنقل ولادي من مدرسة تجريبي إلى مدرسة عادية بلا اسباب وضربني وشتمني لأني رفضت القرار، اتحملت كتير عشان أولادي لكن وصلت لمرحلة صعبة جدًا معاه، وسبت البيت وروحت بيت أبويا ولما طلبت الطلاق ناس كتير أتدخلت ووصلنا إلى اني اقعد في بيت أبويا وهو ملوش علاقة بيا ولا بالأولاد غير أنه بيدفع لينا كل شهر ألف جنيه وياخد الولاد يوم الجمعة ولكن في الأخر مبقاش بيدفع الفلوس ولا عايز ياخد الأولاد»، وأضافت: «أمي حاليا هي الي بتصرف عليا وعلى ولادي من معاش أبويا».

زوجة تسلط الجن على زوجها بسبب ممارسة الجنس.. هايدى: بيربطني في السرير أثناء العلاقة

والحكاية الثالثة كانت بين الانتحار والطلاق.. وبدأتها الفتاة قائلة "مش عارفة أطلق من جوزي بعد ما عملت له سحر علشان يتعامل معايا كويس اتجوزت مرتين لكن حظى كان وحش" .. الزوجة الثلاثينية حديثها عن مأساتها كان كالسهام فقالت : بختي المايل أوقعني في زوجين لا يعرفان الرحمة الأول كان يقوم بضربي وإهانتي هو وأسرته تجوزته لمدة ٣ شهور، كانت أسوأ  ٩٠ يوما في حياتي، ضرب وإهانة وشتائم منه وأسرته أي حد كان بيعدي من أهله كان بيشتمني، وكنت شغالة خدامة لهم كلهم، لحد ما أطلقت بعد ٣ أشهر".

وتستكمل الزوجة هايدى مأساتها : بعد فترة من طلاقي تجوزت اول حد جالي، وكان أقل مني في التعليم، وشوفت ايام ابشع من الزواجة الاولي، كان يضربني ويربطني طول الليل بالحبال ويضربني بالسلك، ويشرب حشيش ويمارس العلاقة الزوجية بصورة سادية "، وطلبت الطلاق منه لكن أهلي ضربوني وأخويا هددني بالقتل، وقالي مفيش طلاق، وفي يوم واحدة صاحبتي قالتلي هاتي حاجة من ملابس جوزك ونروح لشيخ يعمله عمل علشان يهدي شوية معاكي وربنا يهدي سركم" روحت فعلا معاها، تتابع الفتاة قصتها " بعت دهب وروحت للشيخ وأخدت معايا حاجة من ملابس جوزي  الداخلية - فيها عرقه، وعملت حجاب و فعلا جوزي هدي شوية في المعاملة معايا، وبعد فترة حصلت مصيبة تانية، الشيخ قالي لازم نجدد الحجاب تاني".

وتستكمل الزوجة: الشيخ طلب مني فلوس، قولتله مش معايا تاني، فطلب منى ممارسة الرذيلة مقابل عدم فضيحتى، رفضت وبيهددني إنه يفضحني  الأمرين الانتحار والان حائرة بين الانتحار أو الطلاق.

جوزى طلع بتاع رجالة مش ستات.. زوجة: قفشت فيديوهات شذوذ على تليفونه

والحكاية الرابعة كانت بعنوان "المصيبة الكبري.. وسردت فيها الزوجة المصدومة حديثها قائلة "قفشته بخيانته والمصيبة الاكبر انه طلع شاذ جنسيا ومتصور فى أوضاع شاذة مع رجالة".. وتروي الزوجة "ح ن"، قصة زواجها قائلة: أنا يتيمة الأم، ومند فترة تقدم للزواج مني شابا لا يعيبه شيء، شرح حالته المادية لأهلي وأنه يعمل في وظيفة محترمة مرموقة، وترك معلومات عن محل عمله ومنزل أسرته حتى يتم السؤال عنه.

تضيف الزوجة: بعد ما أهلي سألوا عن العريس، الناس كلها شكرت فيه وفي أهله أخبرنا الجميع أنه حسن الخلق، وشاب في حاله ، وتمت الخطوبة وجهزنا بيتنا،وأتجوزنا، وفي البداية كانت الحياة زي أي اتنين مفيش حاجات مختلفة، بالعكس خالص"، وعن المشكلة الأكبر تسرد الزوجة المكلومة مشكلتها قائلة: بداية مصيبتي وبعد مرور فترة كنت بشوف تصرفات غريبة منه، وحاولت كذا مرة أعمل نفسي عبيطة، وكنت بقول إنتي بنت ناس ومتربية ماينفعش تشكي في جوزك، لكن التصرفات دي زادت من يوم للتاني".

وتستكمل الزوجة: وفي يوم وقع تليفون جوزي في أيدي بالصدفة، وأول ما فتحته شوفت فيديوهات جنسية وتسجيلات عديدة، وصور عارية، وكانت مصيبتي الكبيرة أن الفيديوهات كلها لشواذ في الجنس وأشخاص عادية، وطلعوا مش ستات دول رجالة"، مضيفة: أنا حامل ومش عارفة الولد أو البنت اللي هيجوا دول هيعيشوا إزاي في العار ده، أبوهم شاذ جنسيا وتقدمت بطلب لمحكمة الأسرة للخلع من زوجى.

بيتفرج على مواقع إباحية ويمارس الجنس في التليفون مع بنات

الحكاية الخامسة كانت عن الخيانة.. وقالت عنها هيام "جوزي سايبني وبيتكلم مع بنات على النت وفي الموبايل" .. وسردت قصتها التي انتهت بعد 4 سنوات ونصف زواج، وخرجت منها بطفلة صغيرة بعدما شاهدت بنفسها خيانة زوجها لها أكثر من مرة على هاتفه، بالإضافة لسماعها علاقته الجنسية مع السيدات على الإنترنت.

تروي هيام قصتها الحزينة قائلة : "أنا اتجوزت من 4 سنين ونصف، وكنا بنحب بعض وكان جوزي حاجة تانية قبل الجواز، أقدر أقول أني شوفت بني أدم تاني بعد فترة من جوازنا، في البداية كانت حياة طبيعية مفيهاش أي مشاكل ولا خلافات وأنجبت بنتي اللي معايا في بداية جوازنا، وبعد فترة صغيرة جدا من الجواز والإنجاب اكتشفت المصيبة أن جوزي بيكلم بنات في التليفون وعلى النت"، مضيفة أنا كلمته كتير جدا في الموضوع ده، لغاية ما تعبت من الكلام معاه عن البنات والستات دي، وكان بيقولي دول زمايلي دول معرفة وعندهم مشاكل وبحلها وبمرور الوقت زادت بينا المشاكل بشكل مش طبيعي، وفي مرة بالصدفة كنت فاتحة اللاب توب بتفرج على مسلسل وشوفت مواقع إباحية كان البيه فاتحها بيتفرج عليها، وكانت صدمتي.

وتصمت الفتاة قليلا وتعود بالحديث مرة ثانية : جوزي بعد إنجابي طفلتنا الأولى اتغير في معاملته معايا،  وعرفت أنه على علاقة بواحدة  تانية ويمارس معاها الحرام، والست اطلقت بسببه بعد ما جوزها عرف، واكتشفت أنه داخل  في علاقة تانية مع واحدة متجوزة، وأن بينهم اتصالات جنسية ورسائل كتير ولما مسكت تليفونه مرة تانية بالصدفة لقيت كلام جنسي في الشات قبل جوازنا، لتتابع: مصيبتي بقت أكبر لما عرفت انه بيتكلم مع مرات أخويا، مرات أخويا قريبة جوزي، وكانوا بيتكلموا بطريقة وحشة وكلام عيب عن أخويا وعن أهلي، وقررت أبعد وأروح عند أهلي وواجهته أني عرفت كل حاجة بدون ما أفضحه، وجالي واعتذر لي وحلف أنه هيبطل يعمل الحاجات دي".

وتابعت : فضل فترة مخلى باله من تحركاته وعمل كلمة سر لموبايله علشان معرفش افتحه ورجعنا تانى للعادات القديمة والإهمال وعدم الاهتمام لغاية ما اكتشفت أنه بيكلم بنت من العائلة  وكمان مخطوبة، ويمارسوا الجنس في التليفون هما الاثنين ورومانسية وكلام حب، اللى أنا مكنتش بسمع منه كلمة واحدة أصلا"، وتستكمل: سجلت له كل المكالمات والتحركات لشهور وكل مرة كانت بتحصل خناقة بينا كان بيقول روحي ريحي أعصابك شوية في بيت أهلك عشان البيت يفضى علي لحد ما بالصدقة عرف أني حاطة جهاز تسجيل في البيت ومسكه، ومجرد ما شافه قالي أنتي طالق ورماني، ورجعت لأهلي وحكيت لهم كل اللي حصل بينا في الفترة اللي كنت فيها على ذمته.

أغرب قضية خلع.. مها طلبت 30 جنيه من جوزها ضربها علقة موت

أمام عن الحكاية السادسة والأخيرة.. فهي كانت أغرب قضية خلع وأعلنت فيها الفتاة الحزينة بصوت حزين "بيصرف على بنات الليل في بيوت الدعارة ومعايا أنا بخيل".. تلك الجملة التى سطرت المأساة الكاملة التى عاشتها مها في زواجها حتى انتهت بالخلع، حيث عاشت مع زوجها أياما بدأت بشخص أقرب إلى الملائكة لتكتشف بمرور الأيام المأساة.