«هابى مُحن داي».. لافتة عيد الحب بدمنهور: «حقك عليا يا Oz3ty» | المصري اليوم

فوجئ أهالى منطقة دوران الإستاد بمدينة دمنهور، بوجود لافتة باللون الأحمر في الميدان الذي يعتبر أهم ميادين المدينة، وتحمل العديد من عبارات الإعتذار، وتم رسم عليها قلوب حمراء وقلبين أبيضين بكل منهما حرف «W»، وحملت اللافتة التي أثارت الجدل بين من يشاهدها عبارات، «حقك عليا يا بنتى»، و«آسف بنوتى»، و«لقد عشت معك شعورًا أول مرة من كل شيء وهذا يكفى لأتذكرك دائماً»، و«لقد جف حبر التمنى فليكتب القدر ما يشاء»، كما حمل عبارات بحروف إنجليزية لكلمات عربية وانجليزية، «Sorry» و«I Love You Ya Oz3ty» و«You Make My Heart Smile».

ووصل الجدل حول تفسير هدف اللافتة وشخصية كاتبها والمكتوب إليها إلى مواقع التواصل الإجتماعى، من خلال تعليقات الشباب على مجموعة «دمنهور لايف» على موقع «فيس بوك»، وهو من أكبر مجموعات دمنهور ويضم أكثر من ربع مليون مشترك، وحملت «بوست» بخصوص اللافتة قرابة 800 إعجاب ومئات التعليقات، معظمها يحمل تعليقات ساخرة ومستنكرة ومؤيدة وضاحكة.

وظهرت العديد من العبارات المثيرة للجدل في التعليقات تحاول تحديد شخصية كاتبها، وهل هي إبنته أو حبيبته أم زوجته منها: «أيوة يعني أبوها اللي عملها ولا حبيبها ولا كلمة بنوتى دى جديدة«، و«هو عايش دور الأب ليه أوي كدة»، و«أنا فهمت من البوست إنه أب بيصالح بنته، ومن الكومنتات إنه شغل مُحن طيب، هو فيه إيه بأه»، «ممكن يكون أب منفصل عن زوجته، وبيحاول يصالح بنته بأي طريقه تفرحها»، و«أب بيفهم كيف يجعل من بنته معشوقته وهو معشوقها»، «آه بنته ماهو طبيعي البنات بتقول للواد بتاعها يابابا يبقي بنته بنته ولا مش بنته»، وده لأب مزعل بنته جامد أوي ياحرام»، و«أنا اللى كنت فاكر إن دي رساله من أب لبنته المتوفية.. بس بعد اوزعتي دي الموضوع اختلف»، وحلو تحديد شخصية الموجة إليها اللافتة علق أحدهم: «طب هو موجه الكلام لمين كده بس، أي بنت أولها WW تركن على جنب كده».

وعن سبب اللافتة «يابنتي دة تلاقي الخناقة كانت كبيرة شوية فقال يجرسها»، و«هو انا ليه فهمت أن اب رزع بنته علقه وبيصلحها»، وقالت أخرى معبرة عن ضيقها أنها لم تشاهد اللافتة«يعني انا كل يوم بقعد ف الدوران بتشمس ب3 ساعات ويوم ما احب اقعد ف البيت يوم يحصل كدا.. كنت عايزه اتفرج».

ومن التعليقات الساخرة «مرجان بيحب حنان النسخة الدمنهورية»، و«يا ترى أوزعتك دي حلقت شنبها ولا لسة»، و«عندى فرده شراب استعمال تشتريها هدية لقوزعتك؟؟»، و«يختي بيضة»، و«الله يهنيكم وبلاش احنا»، وكتب البعض تعليقات ضاحكة: «هابى محن داى»، و«الأندر إيدج يغزوا العالم»، و«أقسم بالله انت فصلان يخرب عقلك»، و«الحب يح يح.. والهجر كوخ كوخ.. خللى عندك دم وإرجعى»، «لو مسيطر مكنش حصل كل ده»، «دا شكلها من حج عجوز مراته مغسلتش الكلسون فضربها وعايز يصلحها»، و«بيقولها اوزعتي ليه بس».

ومن أكثر العبارات الباسمة في التعليقات «الله يرحمك يابا فاكرة عملي حاجه زي كدا قبل كدا اقسم بالله بس كونت مملحقة (مُلحق في الدراسة) وعلقلي يفطة ع بابا اوضتي هنا ترقض ام ملحق انه نفس المعني والله لكنكم تحبو الفرنجا»، وقام شخص بعمل إشارة لصديقه قائلاً «إعمل واحدة زي دي عند سلم المحطة«، وعلقت أخرى «وأنا مش زعلانة ياخلبوصي»، وكتب شاب «أدينى عملتلك يافطه ياولاء يكش تحسى ع دمك وتتصالحى»، وأشارت سيدة لزوجها «مفيش بنر لأم العيال»

ومن التعليقات المستنكرة «حد يروح ينشن عليها تتقطع«، «عارفين لما يبقي فيه ناس فاضية!»، و«ما احناش موجودين ع الكوكب»، «هو في ايه حد يفهمنا»، و«آه من دمنهور وشعب دمنهور آآآه منه»، «دمنهور بيحصل فيها الكلام ده!»، و«إحنا بقينا نقلد الأفلام الهبلة، ربنا يهدى»، و«دمنهور اتطورت خالص يارجالة»، و«طب مش محتاج احلفلكم انه كحيان سالف فلوس البانر ومتغدى فلافل وبتنجان»، و«مش انتى بنتى الحلوة؟- تؤ تؤ..أنا أوزعتك»، و«يا ابني انت سارق الفلوس من امك وهي بتدور عليك»، و«علشانك يا (اعتماد) حطيت يافطة عند دوران (الإستاد) وجيت على ملا وشي».