المحتوى الرئيسى

صلاح عبدالله يلقي قصيدة "كله واحد" في احتفالية القبائل العربية

01/24 20:17

عرضت احتفالية القبائل العربية المقامة باستاد القاهرة، فيلما تسجيليا، من تعليق الفنان صلاح عبدالله، رافقه مشاهد من معالم مصر المختلفة والمشاريع القومية الكبرى.

وقال عبدالله تعليقا على هذه المشاهد: "طول عمر المصريين عايشيين ومطمنين على أرضها تحت كلمة كلنا واحد، ودا اللي خلى مصر على مر التاريخ أرض السلام والمحبة والإنسانية".

وأضاف: "في كل شبر من أرضها من شمالها لجنوبها ومن شرقها لغربها، وفي كل حبة رمل في صحاريها هتلاقي ألف دليل على وحدة ناسها وإيمانهم ووطنهم الكبير".

وتابع: "أهل الصعيد بشجاعتهم، وكرم أخلاقهم وحبهم لمصر زيهم زي أهل بورسعيد ومدن القناة، وولاد سيناء ومطروح كلهم بيضحوا عشان مصر قدام أي شر، وبيواجهوا أي عدو عايز يفرقنا، 100 مليون قصة نجاح عايشين على أرضها، ووشوش بتحكي سنين طويلة من الكفاح والعرق عشان نبني وطن يساع الجميع، وطن اتبنى بإيدين ولادها الطيبين وبدعاء ومحبة أمهاتنا المخلصين، حب اتولد معانا وبيكبر كل يوم جوانا، الحب دا بياكد حقيقة واحدة إن كلنا واحد، كلنا واحد، إيد واحدة شعب واحد، وطن واحد، طول الوقت كانت الدولة المصرية عندها إرادة حقيقية للتنمية".

واستطرد: "دلوقتي الإرادة دي اتحولت لحقيقة والإنجازات كانت واقع مش مجرد حبر على ورق، وكل الناس شايفة مصر بتتغير إزاي".

ثم عرض لقطات من خطابات سابقة للرئيس عبدالفتاح السيسي، برافقها مشاهد من مشروعات مصر الكبرى: "هي إرادة 90 مليون قليلة ولا إيه"، "مصر بتطلع قدام بإرادة شعبها وأمل شعبها"، "جهد وعرق وإخلاص وأمانة وشرف"، "لازم نغير واقعنا ونبني بلدنا بإيدينا"، "ازرعوا الأمل، في نفوس الناس وإحنا مصرين على إننا نبني بلدنا"، "البلد بتقوم، مصر بتقوم"، "مصر أم الدنيا وهتبقى قد الدنيا"، "تحيا مصر، تحيا مصر، نحيا مصر"

وأكمل عبدالله: "المصريين اللي ضحوا بأرواحهم وعملوا واجبهم الوطني في كل مكان كانوا على استعداد إنهم يكافحوا تاني ويمشوا الطريق الصعب مع بلدهم ورئيسهم، عشان هما وولادهم وأحفادهم وكل الأجيال اللي جاية تستفيد من خير البلد دي، من خير مصر".

وألقى الفنان قصيدة بعنوان "كله واحد" قائلا:

كله واحد، دم واحد، شكل واحد

قلب طيب قلب أبيض شاب جامد طول بعرض

في جلبية أو في بدلة أو طقية

كله بيحب البلد دي مهما كان غلبان بيدي

واللي بيفهم يعلم واللي بيقابلك يسلم

أهم أخبار فن وثقافة

Comments

عاجل