بعد تصدره تريندات جوجل.. تفاصيل دخول سمير غانم كلية الشرطة ورسوبه

تصدر الفنان سمير غانم، قائمة التريندات الأكثر تداولا عبر موقع "جوجل"، بمجرد إطلاق الفيديو الدعائي للمسرحية الجديدة "الزهر لما يلعب"، المقرر بدء عرضها يوم 23 يناير الجاري، في التاسعة مساء، بمسرح مكتبة مصر الجديدة، لذلك نرصد لكم أحد أبرز مواقفه الدراسية.

وقال سمير غانم خلال تصريحاته التلفزيونية في برنامج "واحد من الناس"، مع الإعلامي عمرو الليثي، المذاع عبر قناة دريم: "حسيت إن طالما بابا ظابط يبقى أنا ظابط، لدرجة أني لما دخلت الكشوفات الطبية كنت ممتاز، كله رياضة ولياقة ونظر، الواحد في الفترة دي كان جن".

وأضاف: "فجأة لقيت نفسي جوة الكلية وطوابير"، موضحا أن من دفعته كل من اللواء فؤاد علام، واللواء حسن الألفي وزير الداخلية الأسبق"، مضيفا: "عدت سنة أولى فقابلت الناس دي، وكان من الناس اللى قريبين مني اللواء ممدوح الرخاوي".

وتابع: "لما سقطت أول سنة كنت بطلع طابور ساعة، وبعديه أروح أفطر تديها فول وعدس وبعدها آخد راحة، بعد كده أروح المحاضرة، تكون خلاص مسطح مش قادر، فباظت معايا أول سنة، جيت تاني سنة فذاكرت، لكن سقطت في 3 مواد، يعني لو كانوا مادتين كنت عديت وحياتي كلها أتغيرت".

وواصل: "من المواقف اللى افتكرها، أن الفنان صلاح ذو الفقار الذي كان ضابطا حينها في فريق الملاكمة، بسبب جسمه الرياضي، والملاكمة بالنسبة له كانت سينما فكان فيه ماتش ضد جامعة عين شمس لقيت قدامي حاجة سودا من غير رقبة، من الناس العملاقة اللى بتشوفهم في الأفلام، يعني مبقاش غير ده اللي يلاعبني أنا".

وأوضح في حديثه قائلا: "الطلبه كان بيشجعوني تجيع رهيب، أنا قولت هيهوش كده تهويشتين وأنا هصطاده في واحده زي الأفلام، لكن هو وقف ثابت بدون ما يتحرك، وضرب مرة واحدة بس لقيت نفسي نايم في المستشفى وبيفوقوني، ولقيت جنبي الأستاذ صلاح وهو بيضحك، قولتله معلش أنا آسف، قال لا آسف إيه خلاص وبقينا حبايب قوي وقتها".

وروى سمير غانم عن أحد مواقفه مع الفنان صلاح ذو الفقار قائلا: "مرة حصل موقف وكان المفروض يحبسني فيه، موقف كان في حاجة اسمها كتيبة السلاح الصامت، مجموعة من الطلبة ينقوهم على الفرازة، وتمشي الكتيبة من غير ما حد ينادي عليها، بس في واحد في النص بيقول واحد اتنين هوب، وكان وقتها قايلين أن فيه ملك جاي يحضر عرض السلاح الصامت وهيوزع هدايا"، مضيفا: "مشكلتي إني كنت في النص، وجنبي واحد اسمه عبدالشافي زينهم من الريف، كان بيقول واحد اتنين هوب بحماس عشان الطابور كله يسمعها حوالي 200 واحد، بس كان بيقولها في مرة عالية قوي وأعتقدت أن الحزقة ضربت فمقدرتش أمسك نفسي من الضحك".

واستطرد حديثه قائلا: "لقيت أستاذ صلاح بعد الطابور بيشاورلي، قاللي إيه اللي كان بيضحكك، فسكت، قاللي تجيني المكتب بعد الفطار، قولت فيها حبس خميس وجمعة، بس لما روحتله وكان جنبه رائد اسمه فايز، قولت اللى حصل بالظبط راح ضحك وقالي انصراف، وبعد يومين صدرت قائمة الجزاءات الموقعة على الطلاب، لكن ملقتش اسمي فيها".

واختتم حديثه: "كانت صدمة كبيرة بالنسبة لي إني اترفدت بعد الرسوب للسنة التانية، لدرجة روحت قعدت في منزل صديقي لمدة يومين، وفكرت أقدم حربية أو بحرية لكن مجموعي لم يؤهلني لدخولهم، لذلك التحقت بكلية الزراعة".

حالة من الحزن تسيطر داخل الوسط الفني في الـ24 ساعة الماضية، مع إعلان وفاة ثلاثة من نجوم الفن فضلا عن استعداد مطرب شهير للخضوع إلى عملية جراحية

أحيانا تكون هناك أوقات تريد فيها قراءة الرسائل التي تصلك عبر تطبيق "ماسنجر" دون معرفة المرسل، وعلى الرغم من أن منصة التواصل الاجتماعي ماسنجر، التي يستخدمها ملاي

عثر رجل على نقود داخل كنبة أشتراها من أحد المتاجر