المحتوى الرئيسى
تريندات

صور- هكذا ودعت أسما شريف منير برنامج "أنا وبنتي"‏

12/10 18:28

انتهت التجربة التليفزيونية الأولى لخببيرة التجميل والإعلامية أسما شريف منير، بانتهاء الموسم الثاني من برنامج "أنا وبنتي" الذي ‏شاركت والدها الفنان شريف منير في تقديمه.‏

نشرت أسما شريف منير عبر حسابها الخاص على Instagram، مجموعة صور من كواليس البرنامج وعلقت عليها قائلة: "أول تجربه ‏ليا خلصت و كانت احلي تجربه في حياتي، كان ليا الشرف أني اشتغل مع أبويا نجم كبير و خبره عظيمه اتعلمت منه كتير، وكان ليا ‏الشرف برضه إني أحاور نجوم كبار و شباب و اكتسب من خبرتهم بشكرهم كلهم نورونا و أسعدونا.‏

تابعت: "أحب أشكر شركة سينيرچي والأستاذ تامر مرسي اللي اديتني الفرصة كا شبه آني اكتسب كل الخبرات دي و علي ثقتهم فيا ‏رغم انه كان اول عمل ليا, و احب خصوصاً اشكر الأستاذ عمرو كمال لانه اكتر واحد كان مديني الثقة ووقف جنبي و أداني ثقه في ‏نفسي كنت حقيقي محتاجها".‏

استطردت أسما: "أغلب الناس بتقول انا احب اشكر فريق العمل و خلاص بس بجد دول كانه اهلي و عزوتي و قلبهم كان عليا في كل ‏خطوة بعملها‎.‎، إياد صالح مثلاً من اكتر الأشخاص اللي انا سعيدة أني عرفتها و اتعلمت منها مش ممكن الثقافة و خفه الدم و المجهود ‏اللي بذله كان ماسك تقريباً كل البرامج و عمري ما حسيت انه مش مش فاضي او مش معانا".‏

أردفت ابنة شريف منير: "اشتغل معانا فريقين عمل بذله مجهود غير عادي عشان نطلع باحسن صورة، كنا حبين اننا نتكلم عن اغلب ‏المواضيع الحياتية من وجهت نظر جلين عشان نوصل اكبر كم من الطاقة الإيجابية و نتعلم من بعض بشكل صحي حتي لو هنتنأر، ‏مواضيع ال ٣٨ حلقه اللي قدمناهم كانه عن الصداقة، الشارع، الحب، الإنسانية، التعليم، التربية، الجدعانة و حاجات كتير تانية".‏

اختتمت أسما شريف منير: "أتمني اننا كنا عند حسن ظنكم بشكر كل الجمهور اللي تابع الحلقات، كنتم دعم كبير و انتوا كمان ‏ملاحظاتكم كانت مهمه جداً بالنسبالي و علمتني كتير، ادعولي بقي ان تجربتي الجاية تكون حلوه ان شاء الله، بحبكم".‏

أهم أخبار فن وثقافة

Comments

عاجل