السيسي: "لو قلت للتاجر متكسبش تبقى مش واخد بالك"

قال الرئيس عبدالفتاح السيسي، إن المشروعات التي تقيمها الدولة فيما يتعلق بمجال الزراعة والمنتجات الزراعية هدفها ربط آليات السوق، مؤكدًا: "هدفنا ربط آليات السوق، مش موضوع إن في تجار بتكسب، التاجر لازم يكسب لما يجد إن الفرصة متاحة، أنا مش بدافع عنه، لو قلت للتاجر متكسبش يبقى أنت مش واخد بالك".\nوأضاف السيسي، خلال افتتاح مشروع الصوب الزراعية بقاعدة محمد نجيب العسكرية: "ده ميمنعناش ننسق مع رجال الأعمال اللي شغالين في القطاعات دي، علشان يبقى في توازن في كلامنا وتصرفاتنا مع السوق، إحنا محتاجينهم معانا لأن السوق المصري سوق كبير، بتتكلم في 10 أو 15 مواطن مليون إحنا بنستهدفهم، لكن الباقي شغال على كبار التجار والمزارعين والريف".\nووجه الرئيس السيسي، بالتنسيق بين وزارة الزراعة والغرف التجارية: "علشان يبقى مسارنا متوازن وميعملش حجم الإنتاج الضخم، لما ندخل من محمد نجيب 10 آلاف فدان ننزلهم السوق على مدار العام ده حجم كبير، لو مخدناش بالنا في إن إحنا نقول هنعمل إيه في الإنتاج ده هيبقى في مشكلة".\nويفتتح الرئيس عبد الفتاح السيسي، 1300 من الصوب الزراعية على مساحة 10 آلاف فدان في إطار المرحلة الثانية من "قطاع محمد نجيب للزراعات المحمية"، في منطقة الساحل الشمالي.\nوأوضح السفير بسام راضي، المتحدث باسم رئاسة الجمهورية، أن إنتاج المشروع يعادل نحو مليون فدان من الزراعات التقليدية، كما يعد المشروع الأكبر في مجال الصوب الزراعية بمنطقة الشرق الأوسط.\nويهدف المشروع إلى المساهمة في تحقيق الأمن الغذائي وسد الفجوة بين الإنتاج والاستهلاك فضلا عن تعظيم الاستفادة من الأراضي المتاحة للأنشطة الزراعية مع ترشيد استخدام مياه الري.