المحتوى الرئيسى
تريندات

ذكريات مؤثرة لهذين النجمين مع يوسف شريف رزق الله

07/12 17:59

توفي صباح اليوم الجمعة، الناقد السينمائي يوسف شريف رزق الله، المدير الفني لمهرجان القاهرة السينمائي، عن عمر ناهز 77 عامًا.‏

نعى عدد من نجوم الفن الناقد السينمائي الراحل، معبرين عن حزنهم لسماع الخبر، منهم الفنان صلاح عبد الله والفنانة عارفة عبد ‏الرسول، اللذان عبرا عن حزنهما لفراقه بنشر بعض الذكريات التي جمعتهما به.‏

كتبت عارفة عبد الرسول عبر حسابها الشخصي على Facebook: "كنا جيل غلبان معندناش حاجة غير القناة الأولى والتانية، والراديو والسينما، كنت بحب السينما قوى، وكل أسبوع أنزل أنا وأبويا ‏سينما لاجيتيه نشوف فيلمين أجنبى أروع من بعض واقول لأبويا، ده فيلم ابنة رايان ده بطلته باباها معاها فى الفيلم، وواخد لقب سير ‏من ملكه إنجلترا"‏.

استطردت: "عارف فيلم دكتور زيفاجو أهو المخرج ديفيد لين هو نفسه اللي أخرج ابنة رايان، أبويا يبصلي بإعجاب ويتفشخر فى كل ‏حتة إن بنته عارفة السينما الأجنبية وأسامى الممثلين والمخرجين الأجانب أكتر م العربي، وولاد وبنات العيلة كانوا ساعات يسألوني ‏عن الأفلام وأنا بربنط، ومكانش حد يعرف سري".‏

تابعت عارفة عبد الرسول: "كنت بحب قوى برنامج بييجي ع القناة التانية، اسمه أوسكار واللى أول مرة جاب شاشة كبيرة فى ‏الأستديو، واتكلم فيها مع ممثلين أجانب ع الهوا، وكان اختراع وقتها استضاف ألان ديلون، اللى أفلامه كانت مغرقه السوق فى أواخر ‏السبعينيات، الراجل ده انا مدينة له بالكتير، ربنا يسعدك، مش ممكن تتنسى أبدا، يوسف شريف رزق الله".‏

من جانبه، أعاد صلاح عبد الله نشر ما كتبته عارفة عبد الرسول، ساردًا ذكرياته مع الناقد السينمائي الراحل قائلًا: "يوسف شريف رزق الله، ‏قابلته مرة واحدة في مدينة السينما، لما كان رئيس جهاز السينما، ولقيته بيسلم عليا ويحضني بصدق وحرارة، فقلتله الله هو إنت ‏عارف إني بحبك قوي، ومعجب بحضرتك قوي، وعاشق لطلتك عالشاشة، وعشقك للسينما، يافارسها وأوسكارها وناديها، صحيح من ‏القلب للقلب رسول ياخلوق ياطيب ألف رحمة ونور عليك"‏.

جدير بالذكر أن يوسف شريف رزق الله ساهم في نجاح مهرجان القاهرة السينمائي على مدار أربعين عامًا، منذ أن كان سكرتيرًا فنيًا له ‏عام 1978، ومديره الفني منذ عام 2000 وحتى وفاته. وكان آخر تكريم له فيه في الدورة الماضية‎.‎

أهم أخبار فن وثقافة

Comments

عاجل