أحمد فريد عن حنان سليمان: أحبها بدون أسباب

عبر الفنان أحمد فريد عن حبه الكبير للفنانة حنان سليمان، ووجه لها رسالة خاصة.

نشر فريد عبر حسابه على Instagram صورته مع حنان سليمان وكتب أن هذا المنشور في حبها، ووصفها بأنها اسم على مسمى، هي الأم والصديقة والطفلة والفنانة.

وبدأ في الحديث عن كل صفة من صفاتها، فهي الأم التي عندما يتحدث معها ويسمع صوتها يشعر بالأمان، وهي الصديقة التي قد تختفي طويلا لكن ما أن يمر بأزمة يجدها أول شخص يقف بجانبك، وهي الطفلة المحتفظة ببراءة ونقاء الطفولة، فعندما تعبر عن مشاعرها سواء فرح أو حزن تشعر أنها في عمر الـ6 سنوات، أما الفنانة هي التي تمثل من قلبها بصدق وبساطة.

في النهاية أكد أحمد فريد أنه يحبها بدون أسباب لأنها تدخل إلى القلب مباشرة.

View this post on Instagram

البوست ده في حب ست الكل القمرايه واللي اسمها علي مسمي ، هاتكلم عن الام والصاحبه والطفله والفنانة ، خليني اخد كل حاجه لوحدها كده واقولكم باختصار لان مهما قلت الكلام ممكن يخلص وهاكون لسه مادتهاش حقها ، هاتكلم عن " حنان سليمان " الام واللي عباره عن كيان من الحنان المتحرك اللي بيُشع حنيه وطيبه وحب ومشاعر ومجرد ماتسمع نبرة صوتها بتطمن واول ماتتكلم معاها تحس انك اترميت في حضن مامتك ، صوتها يديلك احساس بالأمان في عز ماتكون مش مطمن ، حنان سليمان الصديقه اللي ممكن جداً تكون مختفيه وماتردش علي اي تليفون بس لما تبقي في ازمه بتكون اول واحده جنبك وفِي ضهرك ، اما بقي حنان الطفله فهي محتفظه بنفس نقاء الأطفال وقلبها ومشاعرها وتعبيراتها وزعلها وفرحتها كأنها طفله عندها ٦ سنين ، اما حنان الفنانه فهي بتمثل من قلبها وبسيطه وصادقه جداً بنفس مصداقية مشاعرها الحقيقيه . انا بحبها بدون اي أسباب لانها بتدخل القلب علي طول ❤️ يا حنوووون انا بموت فيكي ❤️❤️❤️❤️❤️ مين تاني بيحبها زي ؟