شيرين عبد الوهاب: محدش يقارنّي بعمرو دياب - E3lam.Org
أكدت الفنانة شيرين عبد الوهاب، أنها سعيدة للغاية بردود أفعال الجمهور على أغنية “نساي”، التي طرحتها مؤخرًا، قائلةً: “مبسوطة وسعيدة إن بعد الغياب ده رجعت بحاجة كويسة الناس حبوها”.\nووجهت شيرين، رسالة للصحفيين، خلال مداخلتها الهاتفية مع الإعلامي أحمد يونس، في برنامج “كلام معلمين”، على الراديو 9090، قائلة: “أنا بحبكم والله وأكن لكم كل الإحترام بس أنا كنت مفهومة غلط، بس والله أنا غلطانة ونفسي أقابلكم كلكم.. ونعمل مؤتمر صحفي يليق بالنجاح اللي أنا حققته ده”.\nنرشح لك.. تعاون جديد بين آسر ياسين وأحمد السبكي\nتابعت أن أغنية “نساي” كانت أصلا لزوجها حسام حبيب، لكنه عندما علم أن الألبوم ينقصه أغنية، أعطاها إياها، قائلةً: “عشان كده مهما وصفت للناس قد ايه حلو ان الراجل والست المتجوزين يسندوا بعض مش هوفيه حقه.. بشكر حسام جدا وهو عمل ده معايا ومع غيري مش أنا بس.. عمل مواقف زي دي كتير مع حماقي وإليسا وعمرو دياب”.\nوفيما يخص المقارنة بينها وبين الفنان عمرو دياب، أكدت شيرين أن دياب فنان كبير، وسبقها بسنوات كثيرة من النجومية، وتتمنى ألا يقارنها أحد به أو بغيره، مضيفةً: “أنا عايزه أقول للناس إنه زي ما أنا بتعب وبتمنى إن لما يوم اعجز وابطل غنا محدش يجي ياخد مكاني أو الناس تقارني بيه لأن أكيد مشواري غير مشوار أي حد.. ومشوار عمرو دياب غير أي حد.. أتمنى ميقارنوش بينا.. عمرو في حتة وانا في حتة تانية”.\nتابعت: “مش عايزة الناس تقول في حرب بيني وبين عمرو.. والله مفيش حرب.. أنا وأنغام وعمرو دياب وتامر لسه منزلين أغاني وكل اللي لسه منزلين والله بتمنالهم كل خير”.\nأحمد يونس برنامج كلام معلمين رئيسية راديو 9090 شيرين عبد الوهاب عمرو دياب