نصبوا عليا في 2200 جنيه.. نشوى مصطفى تًحذر من هذه الشركة

أعلنت الفنانة نشوى مصطفى، عن تعرضها لعملية نصب من شركة «جينيرال إليكترك»، أثناء قضائها إجازتها الصيفية بالساحل الشمالي.\nونشرت مصطفى، عبر صفحتها الشخصية بموقع التواصل الاجتماعي الشهير «فيسبوك»، صورة لصفحة الشركة، معلقة عليها: «الحقيقة اتعرضت لعملية نصب من شركة general electric».\nوأضافت: «واضح أني مليش نصيب أنبسط في الساحل، ولأن مفيش ضمير اتصلت بالشركة دي علشان يصلحولي التلاجة بعتولي خبير متور مهندس أقنعني إن التلاجة محتاجة قطع غيار بألفين وميتين جنيه، فقلت له أمري لله واديتوا الفلوس، فقال لي ساعتين والتلاجة هتبقى زي الفل».\nوتابعت: «فات 3 أيام والتلاجة ميتة، فاتصلت بالشركة تاني قالولي إفصليها يوم وشغليها تاني هتتظبط، وعملت كده وزي ما هيا، ودلوقتي باتصل ماحدش بيرد من إمبارح، أعمل إيه؟».